மதுபோதையில் வேலைக்கு வந்ததை கண்டித்த ஓட்டல் உரிமையாளருக்கு கத்திக்குத்து தொழிலாளி கைது

தேன்கனிக்கோட்டை:

தளி அருகே உள்ள ஜவளகிரியை சேர்ந்தவர் ரமேஷ் (வயது 39). ஓட்டல் வைத்துள்ளார். இவரது ஓட்டலில் முத்துராஜ் (35) என்பவர் வேலை செய்து வருகிறார். சம்பவத்தன்று முத்துராஜ் குடிபோதையில் ஓட்டலுக்கு வேலை செய்ய வந்துள்ளார். இது குறித்து ரமேஷ் கண்டித்துள்ளார். இதனால் அவர்களுக்குள் தகராறு ஏற்பட்டுள்ளது. இதில் ஆத்திரம் அடைந்த முத்துராஜ், ரமேசை கத்தியால் குத்தினார். இதில் காயம் அடைந்த அவர் சிகிச்சைக்காக ஓசூர் அரசு ஆஸ்பத்திரியில் அனுமதிக்கப்பட்டார். இதுகுறித்த புகாரின் பேரில் தளி போலீசார் வழக்குப்பதிவு செய்து முத்துராஜை கைது செய்தனர்.