இருசக்கர வாகனத்தில் கஞ்சா கடத்தியவர் கைது

பேரையூர்,ஏப்

சேடபட்டி போலீசார் கணவாய்பட்டி பஸ் நிறுத்தம் அருகே வாகன தணிக்கையில் ஈடுபட்டனர். அப்போது அந்த வழியாக முத்துப்பாண்டிபட்டியைச் சேர்ந்த சதீஷ்குமார் (வயது 35), கோடாங்கிபட்டியைச் சேர்ந்த கணேசன் ஆகியோர் இருசக்கர வாகனத்தில் வந்து கொண்டிருந்தனர். போலீசாரை பார்த்ததும் கணேசன் திடீரென இருசக்கர வாகனத்தில் இருந்து இறங்கி ஓடிவிட்டார். போலீசார் சதீஷ்குமாரை பிடித்து விசாரித்தபோது அவர் 2 கிலோ கஞ்சாவை இருசக்கர வாகனத்தில் கடத்தி வந்தது தெரிய வந்தது. இது குறித்து சேடபட்டி போலீசார் வழக்குப்பதிவு செய்து சதீஷ்குமாரை கைது செய்தனர். மேலும் கணேசனை தேடி வருகின்றனர்.