மொபட் மீது அரசு பஸ் மோதல்; வாலிபர் சாவு

புதுக்கோட்டை, ஏப்.13-
புதுக்கோட்டை திருக்கோகர்ணம் பகுதியை சேர்ந்தவர் கணேசன் (வயது 33). இவர் சம்பவத்தன்று மொபட்டில் முள்ளூர் அருகே சென்று கொண்டிருந்தார். அப்போது மதுரையில் இருந்து கும்பகோணம் நோக்கி சென்ற அரசு பஸ், மொபட் மீது மோதியது. இதில் தூக்கிவீசப்பட்ட கணேசன் படுகாயமடைந்தார். அவரை சிகிச்சைக்காக அக்கம்பக்கத்தினர் மீட்டு புதுக்கோட்டை அரசு மருத்துவக்கல்லூரி மருத்துவமனைக்கு கொண்டு சென்றனர். ஆனால் செல்லும் வழியிலேயே அவர் பரிதாபமாக இறந்தார். இது குறித்து கணேஷ்நகர் போலீசார் வழக்குப்பதிவு செய்து விசாரணை நடத்தி வருகின்றனர்.