பச்சைமலையில் இடப்பிரச்சினையில் தம்பதியை தாக்கியவர் கைது

துறையூர், 

பச்சைமலையில் உள்ள போந்தை கிராமத்தை சேர்ந்தவர் விஜயகுமார்(வயது 41). இவருடைய மனைவி பூங்கொடி(35). விஜயகுமாருக்கும், பக்கத்து வீட்டில் வசிக்கும் செல்லத்துரைக்கும்(47) வீட்டின் அருகில் உள்ள இடம் தொடர்பாக பிரச்சினை இருந்து வந்தது. இந்த நிலையில் நேற்று இதுதொடர்பாக ஏற்பட்ட தகராறில் விஜயகுமாரையும், பூங்கொடியையும் செல்லத்துரை தாக்கியதாக கூறப்படுகிறது. இதுகுறித்த புகாரின் பேரில் துறையூர் போலீசார் வழக்குப்பதிவு செய்து செல்லத்துரையை கைது செய்தனர்.