சங்கராபுரம் அருகே டிராக்டர் மோதி தொழிலாளி பலி

சங்கராபுரம்

சங்கராபுரம் அருகே உள்ள அரசம்பட்டு கிராமத்தை சேர்ந்தவர் அண்ணாமலை (வயது 60)தொழிலாளி. சம்பவத்தன்று இவர் அங்குள்ள சர்ச் அருகே நடந்து சென்று கொண்டிருந்தபோது அந்த வழியாக வந்த டிராக்டர் அவர் மீது மோதியது. இதில் படுகாயம் அடைந்த அண்ணாமலையை அக்கம் பக்கத்தினர் சிகிச்சைக்காக சங்கராபுரம் அரசு மருத்துவமனைக்கு கொண்டு சென்றனர். ஆனால் வழியிலேயே அவர் பரிதாபமாக இறந்தார். இது குறித்து சங்கராபுரம் போலீசார் வழக்குப்பதிவு செய்து விபத்து தொடர்பாக டிராக்டர் டிரைவர் அதே ஊரைச்சேர்ந்த விக்னேசை கைது செய்து விசாரணை நடத்தி வருகின்றனர்.