மதுரையில் நேற்று 254 பேருக்கு கொரோனா உறுதி

மதுரை, ஏப்.

மதுரையில் நேற்று புதிதாக 254 பேருக்கு கொரோனா தொற்று உறுதி செய்யப்பட்டது. அவர்களில் 204 பேர் நகர் பகுதியையும், 50 பேர் புறநகர் பகுதியையும் சேர்ந்தவர்கள். இதன் மூலம் கொரோனாவால் பாதிக்கப்பட்டவர்களின் எண்ணிக்கை 23 ஆயிரத்து 462 ஆக உயர்ந்துள்ளது. மேலும் மதுரையில் சிகிச்சையில் இருந்து நேற்று 91 பேர் குணமடைந்து வீடு திரும்பினார்கள். இதில் 80 பேர் நகர் பகுதியை சேர்ந்தவர்கள். அவர்களுடன் சேர்ந்து மதுரையில் கொரோனாவில் இருந்து குணமடைந்தவர்களின் எண்ணிக்கை 21 ஆயிரத்து 483 ஆக அதிகரித்து உள்ளது. இவர்களை தவிர அரசு மற்றும் தனியார் ஆஸ்பத்திரியில் 1,508 பேர் சிகிச்சை பெற்று வருகின்றனர். இந்த நிலையில் தனியார் ஆஸ்பத்திரியில் சிகிச்சை பெற்று வந்த 69 வயது மூதாட்டி சிகிச்சை பலன் அளிக்காமல் பரிதாபமாக இறந்தார் மதுரையில் கடந்த சில நாட்களாக கொரோனா பாதிப்பு படிப்படியாக அதிகரித்து வருகிறது. எனவே பொதுமக்கள் மிகுந்த எச்சரிக்கையுடனும், பாதுகாப்புடனும் இருக்க வேண்டும் என்று சுகாதாரத்துறையினர் எச்சரிக்கை விடுத்துள்ளனர்.