சாத்தான்குளம் பகுதியில் முககவசம் அணியாத 20 பேருக்கு அபராதம்

சாத்தான்குளம் பேருராட்சி பகுதி மற்றும் தட்டார்மடம், ஆனந்தபுரம், படுக்கப்பத்து உள்ளிட்ட பகுதியில் வருவாய்த்துறை, காவல்துறை, உள்ளாட்சித்துறையினர் இணைந்து தனி குழு அமைத்து கொரோனா பரவல் தடுப்பு நடவடிக்கையில் ஈடுபட்டு வருகின்றனர். அப்போது முககவசம் அணியாதவர்களுக்கு அபராதம் விதித்து வருகின்றனர். நேற்று சாத்தான்குளம் -இட்டமொழியில் சாலையில் முககவசம் அணியாமல் சென்ற முன்னாள் பேருராட்சி மன்ற உறுப்பினரக்கு ரூ.200 அபராதம் விதித்து,  முககவசம் வழங்கப்பட்டது. அதே பகுதியில் முககவசம் அணியாமல் வந்த  20-க்கும் மேற்பட்டவர்களுக்கு தலா ரூ.200 அபராதம் விதிக்கப்பட்டது.