மாவட்ட செய்திகள்

கொரோனா காலகட்டத்தில் வியாபாரத்தில் நஷ்டம்: கடன் தொல்லையால் இரும்பு கடை உரிமையாளர் தூக்குப்போட்டு தற்கொலை + "||" + Loss of business during the Corona period: Iron shop owner commits suicide by hanging due to debt harassment

கொரோனா காலகட்டத்தில் வியாபாரத்தில் நஷ்டம்: கடன் தொல்லையால் இரும்பு கடை உரிமையாளர் தூக்குப்போட்டு தற்கொலை

கொரோனா காலகட்டத்தில் வியாபாரத்தில் நஷ்டம்: கடன் தொல்லையால் இரும்பு கடை உரிமையாளர் தூக்குப்போட்டு தற்கொலை
கொரோனா காலகட்டத்தில் வியாபாரத்தில் நஷ்டம் ஏற்பட்டதால் மன உளைச்சலுக்கு ஆளான இரும்பு கடை உரிமையாளர் கடையின் உள்ளே தூக்குப்போட்டு தற்கொலை செய்து கொண்டார்.
கும்மிடிப்பூண்டி, 

திருவள்ளூர் மாவட்டம் கும்மிடிப்பூண்டி அடுத்த பாத்தபாளையம் கிராமத்தை சேர்ந்தவர் ரமேஷ் (வயது 46). இவருக்கு திருமணமாகி அனிதா (39) என்ற மனைவியும், மனிஷா (15) என்ற மகளும், ஜஸ்வந்த் (11) என்ற மகனும் உள்ளனர்.

ரமேஷ் கும்மிடிப்பூண்டி பைபாஸ் சாலையில் உள்ள தனியாருக்கு சொந்தமான வாடகை கட்டிடத்தில் இரும்பு கடையை நடத்தி வந்தார். இந்தநிலையில், நேற்று அதிகாலை வழக்கம்போல் வீட்டில் இருந்து புறப்பட்டு இரும்பு கடைக்கு வந்த ரமேஷ், திடீரென அங்குள்ள மின்விசிறியில் கயிற்றால் தூக்கு போட்டு தற்கொலை செய்து கொண்டார்.

தொழில் நஷ்டம்

இதுகுறித்து தகவலறிந்து சம்ப இடத்திற்கு வந்த சிப்காட் போலீசார், அவரது உடலை கைப்பற்றி பிரேத பரிசோதனைக்காக பொன்னேரி அரசு ஆஸ்பத்திரிக்கு அனுப்பி வைத்தனர். போலீசாரின் விசாரணையில், கொரோனா காலகட்டத்தில் இரும்பு கடை வியாபாரத்தில் தொடர்ந்து நஷ்டம் ஏற்பட்டதாலும், கடன் நெருக்கடிக்கு ஆளானதாலும், கடும் மன உளைச்சலில் இருந்து வந்த நிலையில், ரமேஷ் தூக்குப்போட்டு தற்கொலை செய்து கொண்டது தெரியவந்தது. இது குறித்து சப்-இன்ஸ்பெக்டர் குமணன் தலைமையில் கும்மிடிப்பூண்டி சிப்காட் போலீசார் வழக்குப் பதிவு செய்து விசாரணை நடத்தி வருகின்றனர்.

தொடர்புடைய செய்திகள்

1. இல்லற வாழ்க்கைக்கு இடையூறாக இருப்பதாக அடித்து துன்புறுத்தியதால் 10-ம் வகுப்பு மாணவி தூக்குப்போட்டு தற்கொலை தாயின் 2-வது கணவர் கைது
இல்லற வாழ்க்கைக்கு இடையூறாக இருப்பதாக கூறி தாயின் 2-வது கணவர் அடித்து துன்புறுத்தியதால் 10-ம் வகுப்பு மாணவி தூக்குப்போட்டு தற்கொலை செய்து கொண்டார்.
2. கொரோனாவை காரணம் காட்டி பிரித்து விடுவார்களோ என பயந்து கணவன்-மனைவி தூக்குப்போட்டு தற்கொலை
கொரோனாவை காரணம் காட்டி தங்களை பிரித்து விடுவார்களோ என பயந்து வயதான தம்பதி தூக்குப்போட்டு தற்கொலை செய்து கொண்ட சம்பவம் மதுரவாயல் பகுதியில் பெரும் சோகத்தை ஏற்படுத்தியது.
3. கொரோனாவை காரணம் காட்டி பிரித்து விடுவார்களோ என பயந்து கணவன்-மனைவி தூக்குப்போட்டு தற்கொலை
கொரோனாவை காரணம் காட்டி தங்களை பிரித்து விடுவார்களோ என பயந்து வயதான தம்பதி தூக்குப்போட்டு தற்கொலை செய்து கொண்ட சம்பவம் மதுரவாயல் பகுதியில் பெரும் சோகத்தை ஏற்படுத்தியது.
4. செல்போன் வாங்கித்தர பெற்றோர் மறுத்ததால் 6-ம் வகுப்பு மாணவன் தூக்குப்போட்டு தற்கொலை
செல்போன் வாங்கித்தர பெற்றோர் மறுத்ததால் விரக்தி அடைந்த 6-ம் வகுப்பு மாணவன், தூக்குப்போட்டு தற்கொலை செய்துகொண்டான்.
5. கள்ளக்காதலால் விபரீதம்: யோகா ஆசிரியை கொன்று புதைப்பு; கடிதம் எழுதிவிட்டு வக்கீல் தற்கொலை
மதுரை அருகே யோகா ஆசிரியையை கொன்று வீட்டுக்குள் புதைத்த வக்கீல், அதுதொடர்பாக கடிதம் எழுதிவிட்டு தற்கொலை செய்து கொண்டார். ஆசிரியை உடலை இன்று தோண்டி எடுக்க நடவடிக்கை எடுக்கப்பட்டுள்ளது.