நின்று கொண்டிருந்த சரக்கு வேன் மீது மோட்டார் சைக்கிள் மோதி தொழிலாளி பலி

ஓமலூர்:

ஓமலூரை அடுத்த சிக்கனம்பட்டி பகுதியை சேர்ந்தவர் கோவிந்தசாமி. இவருடைய மகன் கலைச்செல்வன் (வயது 25). வெல்டிங் பட்டறை தொழிலாளியான இவர் நேற்று சொந்த வேலை காரணமாக ஓமலூருக்கு மோட்டார் சைக்கிளில் வந்தார். பின்னர் சிக்கனம்பட்டிக்கு மோட்டார் சைக்கிளில் திரும்பி சென்றார். குப்பூர் பஸ் நிறுத்தம் அருகே சென்ற போது, சாலையோரம் நின்று கொண்டிருந்த சரக்கு வேன் மீது இவரது மோட்டார் சைக்கிள் எதிர்பாராதவிதமாக ேமாதியது. 

இதில் தூக்கி வீசப்பட்டு படுகாயம் அடைந்த கலைச்செல்வனை, அக்கம் பக்கத்தினர் மீட்டு சிகிச்சைக்காக ஓமலூர் அரசு ஆஸ்பத்திரிக்கு கொண்டு வந்தனர். ஆனால் அவர் வரும் வழியிலேயே பரிதாபமாக இறந்தார். இந்த விபத்து குறித்து ஓமலூர் போலீசார் வழக்குப்பதிவு செய்து விசாரணை நடத்தி வருகின்றனர்.