<
224 பேருக்கு கொரோனா
திருப்பூர் மாவட்டத்தில் ஒரே நாளில் 224 பேருக்கு கொரோனா தொற்று உறுதி செய்யப்பட்டது. சிகிச்சை பலனின்றி ஒருவர் பலியானார்.
திருப்பூர்
திருப்பூர் மாவட்டத்தில் ஒரே நாளில் 224 பேருக்கு கொரோனா தொற்று உறுதி செய்யப்பட்டது. சிகிச்சை பலனின்றி ஒருவர் பலியானார்.
224 பேருக்கு கொரோனா
திருப்பூர் மாவட்டத்தில் நாளுக்கு நாள் கொரோனா பாதிப்பு அதிகரித்து வருகிறது. இதன் காரணமாக தடுப்பு மற்றும் முன்னெச்சரிக்கை நடவடிக்கைகள் தீவிரப்படுத்தப்பட்டுள்ளது. இருப்பினும் கொரோனா தொற்று தொடர்ந்து அதிகரித்து வருகிறது.
இதற்கிடையே நேற்று மட்டும் மாவட்டத்தில் ஒரே நாளில் 224 பேருக்கு கொரோனா தொற்று உறுதி செய்யப்பட்டது.இவர்கள் அனைவரும் திருப்பூர் மற்றும் கோவையில் உள்ள அரசு மற்றும் தனியார் மருத்துவமனைகளில் சிகிச்சை பெற்று வருகிறார்கள். தற்போது மாவட்டத்தில் கொரோனா பாதித்தவர்களின் எண்ணிக்கை 23 ஆயிரத்து 191ஆக உயர்ந்துள்ளது. இதுபோல் கொரோனாவுக்கு சிகிச்சை பெற்ற 265 பேர் குணமடைந்து வீடு திரும்பினர்.
ஒருவர் பலி
தற்போது மாவட்டத்தில் குணமடைந்தவர்களின் எண்ணிக்கை 20 ஆயிரத்து 771ஆக உயர்ந்துள்ளது. மேலும், 2 ஆயிரத்து 186 பேர் சிகிச்சை பெற்று வருகிறார்கள். இந்த நிலையில் திருப்பூரை சேர்ந்த 61 வயது ஆண் கொரோனாவால் பாதிக்கப்பட்டு காஞ்சிபுரத்தில் உள்ள தனியார் மருத்துவமனையில் சிகிச்சை பெற்று வந்தார்.
இதற்கிடையே சிகிச்சை பலனின்றி நேற்று பலியானார். தற்போது மாவட்டத்தில் பலி எண்ணிக்கை 234ஆக உயர்ந்துள்ளது. தொடர்ந்து கொரோனா பாதிப்பு அதிகரித்து வருவதால் அரசு வழிமுறைகளை பொதுமக்கள் பின்பற்ற வேண்டும். கொரோனாவை கட்டுப்படுத்த ஒத்துழைப்பு வழங்க வேண்டும் என சுகாதாரத்துறை கோரிக்கை விடுத்துள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
