பென்னாகரம் அருகே முனியப்பன் சிலைக்கு தீ வைப்பு மர்ம நபர்களுக்கு போலீசார் வலைவீச்சு

பென்னாகரம், ஏப்.24-

பென்னாகரம் அருகே உள்ள மடத்தில் ஒகேனக்கல் செல்லும் சாலையில் முனியப்பன் கோவில் உள்ளது. நேற்று காலை கிராம மக்கள்கோவில் வழியாக சென்றபோது முனியப்பன் சிலை தீவைத்து எரிக்கப்பட்டு இருந்ததை கண்டு அதிர்ச்சி அடைந்தனர். இதுகுறித்து தகவல் அறிந்ததும் கிராமமக்கள் அங்கு திரண்டனர். இதுெதாடர்பாக அவர்கள் ஒகேனக்கல் போலீசுக்கு தகவல் தெரிவித்தனர். அதன்பேரில் பென்னாகரம் துணை போலீஸ் சூப்பிரண்டு சவுந்தரராஜன் மற்றும் ஒகேனக்கல் போலீசார் சம்பவ இடத்திற்கு வந்து  பார்வையிடனர். அப்போது நேற்று முன்தினம் இரவு மர்ம நபர்கள் டீசலை ஊற்றி முனியப்பன் சிலைக்கு தீ வைத்து சென்றது தெரியவந்தது. சிலைக்கு தீ வைத்த மர்ம நபர்கள் குறித்து போலீசார் வழக்குப்பதிவு செய்து விசாரணை நடத்தி வருகின்றனர். மேலும் அவர்களை வலைவீசி தேடி வருகின்றனர். முனியப்பன் சிலைக்கு  தீ வைத்த சம்பவம் அந்த பகுதியில் பரபரப்பை ஏற்படுத்தி உள்ளது.