டிராவல்ஸ் நிறுவன அதிபர் பலி

சாத்தூர், 

சாத்தூர் காமராஜபுரம் முதல் தெருவை சேர்ந்தவர் டென்சிங் (வயது 60). இவர் சாத்தூரில் டிராவல்ஸ் நிறுவனம் வைத்து நடத்தினார். இவர் நேற்று வேன் ஸ்டாண்டில் காரை நிறுத்தி விட்டு இருசக்கர வாகனத்தில் சாத்தூர் டி.எஸ்.பி. அலுவலகம் அருகே வந்து கொண்டு இருந்தார். அப்போது எதிரே  சிவகாசி பேராபட்டியை சேர்ந்த பெருமாள்சாமி ( வயது47) என்பவர் வந்த இருசக்கர வாகனம், டென்சிங் சென்ற இருசக்கர வாகனம் மீது மோதியது. இதில் படுகாயம் அடைந்த டென்சிங் சாத்தூர் அரசு மருத்துவமனையில் முதல் உதவி சிகிச்சை அளிக்கப்பட்டது. பின்னர் அவர் மேல்சிகிச்சைக்காக மதுரையில் உள்ள அரசு மருத்துவமனைக்கு அனுப்பி வைக்கப்பட்டார். அங்கு சிகிச்சை பலனின்றி டென்சிங்க்கு பரிதாபமாக உயிரிழந்தார். இதுகுறித்து சாத்தூர் டவுன் போலீசார் விசாரணை நடத்திவருகின்றனர்.