<
பரமத்தி அருகே கார்- மோட்டார்சைக்கிள் மோதல்; தொழிலாளி பலி
பரமத்தி அருகே கார்- மோட்டார்சைக்கிள் மோதிய விபத்தில் பலியானார்.
பரமத்திவேலூர்,
பரமத்தி அருகே உள்ள வசந்தபுரம் பகுதியை சேர்ந்தவர் பாலசுப்பிரமணியம். இவரது மகன் விஸ்வநாதன் (வயது 39). இவர் பரமத்தி அருகே உள்ள ஒரு தனியார் சிமெண்டு அட்டை தயாரிக்கும் ஆலையில் தொழிலாளியாக வேலை செய்து வந்தார்.
இந்தநிலையில் நேற்று மாலை வேலையை முடித்துவிட்டு மீண்டும் வீட்டிற்கு செல்வதற்காக தனது மோட்டார்சைக்கிளில் மாவுரெட்டி அருகே சென்று கொண்டிருந்தார். அப்போது திருச்செங்கோட்டில் இருந்து கொடுமுடி நோக்கி சென்ற காரும், விஸ்வநாதன் சென்ற மோட்டார் சைக்கிளும் எதிர்பாராதவிதமாக மோதி விபத்துக்குள்ளானது.
இதில் தூக்கி வீசப்பட்டு பலத்த காயம் அடைந்த விஸ்வநாதன் சம்பவ இடத்திலேயே பலியானார். இந்த விபத்து குறித்து பரமத்தி போலீசார் வழக்குப் பதிவு செய்து விசாரணை நடத்தி வருகின்றனர். விபத்தில் இறந்த விஸ்வநாதனுக்கு மல்லிகா அம்பிகாம்பாள் என்ற மனைவியும் 2 குழந்தைகளும் உள்ளனர் என்பது குறிப்பிடத்தக்கது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
