மாவட்ட செய்திகள்

கோவை இ.எஸ்.ஐ. ஆஸ்பத்திரியில் நவீன எந்திரம் மூலம் தினமும் 4 ஆயிரம் சளி மாதிரிகள் பரிசோதனை + "||" + Kovai By modern machine 4 thousand daily Examination of mucus samples

கோவை இ.எஸ்.ஐ. ஆஸ்பத்திரியில் நவீன எந்திரம் மூலம் தினமும் 4 ஆயிரம் சளி மாதிரிகள் பரிசோதனை

கோவை இ.எஸ்.ஐ. ஆஸ்பத்திரியில் நவீன எந்திரம் மூலம் தினமும் 4 ஆயிரம் சளி மாதிரிகள் பரிசோதனை
கோவை இ.எஸ்.ஐ. ஆஸ்பத்திரியில் நவீன எந்திரம் மூலம் தினசரி 4 ஆயிரம் சளி மாதிரிகள் பரிசோதிக்கப்படுகின்றன.
கோவை,

கோவை அரசு ஆஸ்பத்திரியில் தற்போது தினமும் 4 ஆயிரம் கொரோனா பரிசோதனைகள் மேற்கொள்ளப்படுகின்றன. ஆனால் சிங்காநல்லூரில் உள்ள இ.எஸ்.ஐ. ஆஸ்பத்திரியில் தினமும் 2 ஆயிரம் பரிசோதனைகள் தான் நடத்தப்பட்டன.

தற்போது கொரோனா 2-வது அலை தாக்கம் அதிகமாக இருப்பதால் கோவை மாவட்டத்தில் தினமும் 10 ஆயிரம் பேரின் சளி மாதிரிகள் எடுக்கப்பட்டு கொரோனா பரிசோதனைக்கு அனுப்பப்படுகின்றன. ஆனால் அவற்றை பரிசோதிப்பதற்கு தேவையான கட்டமைப்பு இல்லாததால் தனியார் ஆய்வகங்களில் சளி மாதிரிகள் பரிசோதிக்கப் பட்டு வந்தன.

இந்த நிலையில் கோவை இ.எஸ்.ஐ. ஆஸ்பத்திரியின் கொரோனா சளி மாதிரிகள் பரிசோதனை செய்யும் திறனை அதிகரிக்க டீன் ரவீந்திரன் முயற்சி செய்தார். இதன்காரணமாக ரூ.20 லட்சம் செலவில் நவீன எந்திரம் வாங்கப்பட்டுள்ளது. அந்த எந்திரத்தை பொருத்த கர்நாடக மாநிலம் பெங்களூருவில் இருந்து தான் தொழில்நுட்ப பணியாளர்கள் வர வேண்டும். ஆனால் அதில் ஒருவருக்கு கொரோனா தொற்று உறுதியானதால் பெங்களூருவில் இருந்தவாறே காணொளி காட்சி மூலம் இ.எஸ்.ஐ. ஆஸ்பத்திரியில் நவீன எந்திரம் நேற்று முன்தினம் பொருத்தப்பட்டது.

இது குறித்து இ.எஸ்.ஐ. ஆஸ்பத்திரி டீன் ரவீந்திரன் கூறியதாவது:-

96 வெல் ஆர்.என்.ஏ. எக்ஸ்டிராட்டர் என்று அழைக்கப்படும் இந்த எந்திரத்தில் 30 நிமிடங்களுக்கு 96 சளி மாதிரிகளை போட்டு ஆர்.என்.ஏ. மட்டும் பிரித்தெடுக்கப்படும். அதில் கொரோனா வைரஸ் பல மடங்கு பெரிதாக்கி காட்டப்படும். இதன் மூலம் சளிமாதிரியில் கொரோனா வைரஸ் இருப்பது உறுதி செய்யப்பட்டு பல கட்ட சோதனைகளுக்கு உட்படுத்தப்படும். இந்த புதிய எந்திரத்தின் மூலம் கோவை இ.எஸ்.ஐ. ஆஸ்பத்திரியில் இதுவரை பரிசோதிக்கப்பட்டு வந்த சளி மாதிரிகள் 2 ஆயிரத்தில் இருந்து 4 ஆயிரமாக உயர்த்தப்பட்டு உள்ளது. இதற்காக கூடுதல் பணியாளர்க ளும் நியமிக்கப்பட்டு உள்ளனர். அவர்கள் 24 மணி நேரமும் பணியில் இருப்பார்கள். அவர்கள் அனைவரும் பணி நேரத்தின் போது கவச உடை (பி.பி.இ. கிட்) அணிந்திருப்பார்கள்

கோவை மாவட்டத்தில் தற்போது மாநகராட்சி மற்றும் மாவட்ட சுகாதார துறை சார்பில் தினமும் 10 ஆயிரம் சளி மாதிரிகள் சேகரிக்கப் படுகின்றன. அவற்றில் 4 ஆயிரம் கோவை அரசு ஆஸ்பத்திரி ஆய்வகத்துக் கும், 4 ஆயிரம் சளி மாதிரிகள் இ.எஸ்.ஐ. ஆஸ்பத்திரிக்கும், மீதி 2 ஆயிரம் மாதிரிகள் தனியார் ஆய்வகங்களுக்கும் பிரித்து கொடுக்கப்படும். இ.எஸ்.ஐ. ஆஸ்பத்திரியில் புதிய எந்திரம் பொருத்தப்பட்டு உள்ளதன் மூலம் அதிக எண்ணிக்கையிலான சளி மாதிரிகள் இலவசமாகவே பரிசோதிக்கும் நிலை ஏற்பட்டுள்ளது. இவ்வாறு அவர் கூறினார்.

தொடர்புடைய செய்திகள்

1. கொரோனா பாதிப்பு அதிகரிப்பு: கோவையில் நாளை முதல் கூடுதல் கட்டுப்பாடுகள் - கலெக்டர் அறிவிப்பு
கொரோனா பரவலை கட்டுபடுத்த கோவை மாவட்டத்தில் நாளை முதல் கூடுதல் கட்டுப்பாடுகளை அறிவித்து அம்மாவட்ட கலெக்டர் கலெக்டர் சமீரன் உத்தரவிட்டுள்ளார்.
2. கோவையில் மீண்டும் அதிகரிக்கும் கொரோனா தொற்று; சுகாதார துறையினர் தீவிர கண்காணிப்பு
கோவையில் மீண்டும் கொரோனா தொற்று அதிகரித்து வருகிறது. மேலும் கட்டுப்பாட்டு பகுதிகளின் எண்ணிக்கையும் உயர்வதால், சுகாதார துறையினர் தீவிர கண்காணிப்பில் ஈடுபட்டு உள்ளனர்.
3. கோவை, நீலகிரி மாவட்டங்களில் மழைக்கு வாய்ப்பு: வானிலை ஆய்வு மையம் தகவல்
தென்மேற்கு பருவக்காற்று காரணமாக கோவை, நீலகிரி மாவட்டங்களில் லேசானது முதல் மிதமான மழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது
4. கோவையில் 3 -ம் கட்ட ஆய்வில் 40 சதவீதம் பேருக்கு கொரோனா எதிர்ப்பாற்றல் - சுகாதாரத்துறை அதிகாரிகள் தகவல்
கோவையில் 3 -ம் கட்ட ஆய்வில் 40 சதவீதம் பேருக்கு கொரோனா எதிர்ப்பாற்றல் இருப்பது தெரியவந்துள்ளதாக சுகாதார துறை அதிகாரிகள் தகவல் தெரிவித்துள்ளனர்.
5. குமரியில் இருந்து கோவை, திருப்பூருக்கு பஸ்கள் இயக்கம்
குமரி மாவட்டத்தில் இருந்து கோவை, திருப்பூர் உள்ளிட்ட மாவட்டங்களுக்கு பஸ்கள் இயக்கப்பட்டன.