பெருந்துறை தொகுதியில் அ.தி.மு.க. வேட்பாளர் எஸ்.ஜெயக்குமார் வெற்றி

ஈரோடு

பெருந்துறை தொகுதியில் அ.தி.மு.க. வேட்பாளர் எஸ்.ஜெயக்குமார் வெற்றி பெற்றார்.

பெருந்துறை தொகுதியில் புதுமுக வேட்பாளராக களம் இறங்கிய அ.தி.மு.க. வேட்பாளர் எஸ்.ஜெயக்குமார் வெற்றி பெற்றார். இவர் மொத்தம் பதிவான 1 லட்சத்து 90 ஆயிரத்து 406 வாக்குகளில் 85 ஆயிரத்து 125 ஓட்டுகள் பெற்றார். இதில் 593 ஓட்டுகள் தபால் ஓட்டுகளாகும். இவரை எதிர்த்து தி.மு.க. கூட்டணியில் கொங்குநாடு மக்கள் தேசிய கட்சி சார்பில் கே.கே.சி.பாலு போட்டியிட்டார். அவர் மொத்தம் 70 ஆயிரத்து 618 வாக்குகள் பெற்று வெற்றி வாய்ப்பை இழந்தார். மற்ற அனைவரும் டெபாசிட் இழந்தனர். எனவே 14 ஆயிரத்து 507 வாக்குகள் வித்தியாசத்தில் எஸ்.ஜெயக்குமார் வெற்றி அடைந்தார்.

பெருந்துறை தொகுதி வாக்கு எண்ணிக்கையின்போது, மின்னணு வாக்குப்பதிவு எந்திரம் குளறுபடி, பாதுகாப்பாக வாக்குப்பதிவு எந்திரங்கள் வைக்கப்படவில்லை என்ற புகார்கள் எழுந்தது குறிப்பிடத்தக்கது.

பெருந்துறை தொகுதியில் மற்ற வேட்பாளர்கள் பெற்ற வாக்குகள் விவரம் வருமாறு:-

சி.லோகநாதன் (நாம் தமிழர் கட்சி) - 10,294

சி.கே.நந்தகுமார் (மக்கள் நீதி மய்யம்) - 3,533

எம்.தம்பி (பகுஜன் சமாஜ் கட்சி) - 1,620

பி.ஆர்.குழந்தைவேல் (தே.மு.தி.க.) - 858

கே.எஸ்.தட்சிணாமூர்த்தி (தேசிய மக்கள் சக்தி கட்சி) - 618

வேலுச்சாமி (அண்ணா புரட்சித்தலைவர் அம்மா திராவிட முன்னேற்ற கழகம்) - 107

பிரபாகரன் (அகில இந்திய ஜனநாயக மக்கள் கழகம்) - 102

எம்.ரமேஷ் (நமது கொங்கு முன்னேற்ற கழகம்) - 90

தோப்பு என்.டி.வெங்கடாசலம் (சுயே) - 9,891

சங்கர்சாமி (சுயே) - 3,336

சம்பத்குமார் (சுயே) - 245

சதீஸ்குமார் (சுயே) - 799

பி.ஆர்.வெங்கடாசலம் (சுயே) - 221

எஸ்.ஆர்.தேவேந்திர மாணிக்கம் (சுயே) - 184

ஜே.கோபால கிருஷ்ணன் (சுயே) - 182

கார்த்தி (சுயே) - 169

எம்.பாலமுருகன் (சுயே) - 129

வி.எம்.பாலசுப்பிரமணி (சுயே) - 128

ஜோதி முருகன் (சுயே) - 106

மயில்சாமி (சுயே) - 86

கிருஷ்ணன் (சுயே) - 79

ஜீவா (சுயே) - 74

கே.வெங்கடாசலம் (சுயே) - 60

நோட்டா - 1189