தி.மு.க. வேட்பாளர் தளபதி வெற்றி பெற்றார்
மதுரை வடக்கு தொகுதியில் தி.மு.க. வேட்பாளர் தளபதி வெற்றி
மதுரை, மே.3-
மதுரை வடக்கு தொகுதியில் தி.மு.க. சார்பாக அந்த கட்சியின் மாநகர் மாவட்ட பொறுப்புக்குழு தலைவர் கோ.தளபதி போட்டியிட்டார். அ.தி.மு.க. கூட்டணியான பா.ஜனதா சார்பில் டாக்டர் சரவணன், அழகர்(மக்கள் நீதி மய்யம்), அன்பரசி (நாம் தமிழர் கட்சி). ஜெயபால் (அ.ம.மு.க.) உள்பட 15 பேர் போட்டியிட்டனர். மொத்தம் 25 சுற்றுகளாக அங்கு வாக்கு எண்ணிக்கை நடந்தது. முதல் சுற்றில் இருந்தே தி.மு.க. வேட்பாளர் கோ.தளபதி முன்னிலை வகித்து வந்தார். ஒவ்வொரு சுற்று முடிவிலும் அவரது வாக்கு எண்ணிக்கை வித்தியாசம் அதிகரித்து கொண்டே சென்றது. 20-வது சுற்று முடிவில் தளபதி 58 ஆயிரத்து 522 வாக்குகள் பெற்று முன்னிலை பெற்றார். டாக்டர் சரவணன் 41 ஆயிரத்து 371 வாக்குகள் பெற்றார்.
24 சுற்றுகள் முடிவில் தி.மு.க. வேட்பாளர் 73,010 வாக்குகள் பெற்று வெற்றி பெற்றார். இவருக்கு அடுத்தப்படியாக பா.ஜ.க. வேட்பாளர் ்டாக்டர் சரவணன் 50,094 வாக்குகள் பெற்றார். இதன் மூலம் தி.மு.க.வேட்பாளர் தளபதி 22,916 வாக்குகள் வித்தியாசத்தில் வெற்றி பெற்றார்.
Related Tags :
Next Story