ராஜபாளையத்தில் கனமழை

ராஜபாளையம், 

ராஜபாளையத்தில் கடந்த சில வாரங்களாக கடுமையான வெயில் அடித்து வந்தது. இந்தநிலையில் நேற்று காலையில் வானம் மேகமூட்டத்துடன் காணப்பட்டது. பின்பு லேசான மழை பெய்தது. பின்னர் பகல் முழுவதும் வெயில் அடித்த போதும் மாலை 4 மணிக்கு  இடி மின்னலுடன் கன மழை பெய்தது. இதனால் சாலைகளில் மழைநீர் பெருக்கெடுத்து ஓடியது. இதனால் வாகன ஓட்டிகள் மிகுந்த சிரமத்துடன் சென்றனர். மழைக்கு பின்னர் வெப்பம் தணிந்து குளிர்ந்த சூழ்நிலை நிலவுவதால் பொதுமக்கள் மகிழ்ச்சி அடைந்தனர்.