மாவட்ட செய்திகள்

கொரோனா தொற்றுக்கு 4 பெண்கள் இறந்தனர் + "||" + 4 women killed to corona in one day

கொரோனா தொற்றுக்கு 4 பெண்கள் இறந்தனர்

கொரோனா தொற்றுக்கு 4 பெண்கள் இறந்தனர்
ராமநாதபுரம் மாவட்டத்தில் நேற்று ஒரே நாளில் கொரோனா தொற்றுக்கு 4 பெண்கள் இறந்தனர். மேலும் சிவகங்கை மாவட்டத்தில் 2 பேர் உயிரிழந்தனர்
ராமநாதபுரம்
ராமநாதபுரம் மாவட்டத்தில் நேற்று ஒரே நாளில் கொரோனா தொற்றுக்கு 4 பெண்கள் இறந்தனர். மேலும் சிவகங்கை மாவட்டத்தில் 2 பேர் உயிரிழந்தனர்.
4 பேர் பலி
ராமநாதபுரம் மாவட்டத்தில் கொரோனா தொற்று வேகமாக பரவி வருகிறது. இந்த தொற்றால் பாதிக்கப்பட்டு அரசு மற்றும் தனியார் ஆஸ்பத்திரியில் அனுமதிக்கப்பட்டவர்கள் சிகிச்சை பலனின்றி தொடர்ந்து பலியாகி வருகின்றனர். ராமநாதபுரம் மாவட்டத்தில் கொரோனா தொற்றால் நேற்று 197 பேர் பாதிக்கப்பட்டு உள்ளனர். இதுவரை ராமநாதபுரம் மாவட்டத்தில் கொரோனா பரவ தொடங்கிய நாள் முதல் 8 ஆயிரத்து 996 பேர் தொற்றால் பாதிக்கப்பட்டுள்ளனர். இவர்களில் இதுவரை 7 ஆயிரத்து 623 பேர் சிகிச்சை முடிந்து வீடு திரும்பிய நிலையில் தற்போது ஆயிரத்து 227 பேர் மட்டும் சிகிச்சையில் உள்ளனர்.
இந்தநிலையில் நேற்று இரவு வரை ராமநாதபுரம், ராமேசுவரம், முதுகுளத்தூர் உள்ளிட்ட பகுதிகளை சேர்ந்த 4 பெண்கள் பலியாகி உள்ளனர். நேற்று முன்தினம் 8 பேர் கொரோனாவுக்கு இறந்தனர். ராமநாதபுரத்தில் கடந்த 2 நாட்களில் 12 பேர் கொரோனாவுக்கு பலியான சம்பவம் அதிர்ச்சியை ஏற்படுத்தியுள்ளது.
சிவகங்கை
சிவகங்கை மாவட்டத்தில் கொரோனா தொற்று தினசரி அதிகரித்து வருகிறது.கொரோனா பரவலை கட்டுப்படுத்த மாவட்ட நிர்வாகம் தொடர்ந்து பல்வேறு நடவடிக்கை எடுத்து வருகிறது. இந்த நிலையில் நேற்று ஒரே நாளில் 126 பேருக்கு கொரோனா தொற்று உறுதி செய்யப்பட்டது. மாவட்டத்தில் அரசு மருத்துவமனை, தனியார் மருத்துவமனை மற்றும் வீட்டு தனிமையில் உள்ளவர்கள் உள்பட 734 பேர் தற்போது சிகிச்சையில் உள்ளனர். நேற்று ஒரே நாளில் 155 பேர் குணமடைந்து வீடு திரும்பினர்.
இந்நிலையில் சிவகங்கையில் உள்ள தனியார் மருத்துவமனையில் சிகிச்சை பெற்று வந்த 58 வயது மதிக்கத்தக்க ஆண் ஒருவர் சிகிச்சை பலனின்றி இறந்தார். மேலும் மதுரையில் உள்ள தனியார் மருத்துவமனையில் சிகிச்சை பெற்று வந்த 31 வயது மதிக்கத்தக்க பெண் ஒருவர் சிகிச்சை பலனின்றி இறந்தார்.

தொடர்புடைய செய்திகள்

1. தமிழகத்தில் நேற்று மட்டும் 20,952 பேருக்கு கொரோனா; 122 பேர் பலி
தமிழகத்தில் புதிதாக 20,952 பேர் கொரோனாவால் பாதிக்கப்பட்டுள்ளனர். 122 பேர் தொற்றுக்கு பலியாகி உள்ளனர்.
2. மேலும் 271 பேருக்குகொரோனா
விருதுநகர் மாவட்டத்தில் மேலும் 271 பேருக்கு கொரோனா தொற்று உறுதியானது. பலி எண்ணிக்கை 245 ஆக உயர்ந்துள்ளது.
3. மாவட்டத்தில் ஒரேநாளில் 229 பேருக்கு கொரோனா தொற்று
மாவட்டத்தில் ஒரேநாளில் 229 பேருக்கு கொரோனா தொற்று ஏற்பட்டுள்ளது.
4. புதிதாக 880 பேருக்கு நோய் தொற்று; 7 பேர் உயிரிழப்பு
மதுரையில் நேற்று புதிய உச்சமாக 880 பேர் பாதிக்கப்பட்டனர். இதுபோல், ஒரே நாளில் 7 பேர் உயிரிழந்தனர்.
5. இதுவரை 14,346 பேர் உயிரிழப்பு: தமிழகத்தில் கொரோனா பாதிப்பு 20 ஆயிரத்தை கடந்தது
தமிழகத்தில் கொரோனாவால் இதுவரை 14 ஆயிரத்து 346 பேர் உயிரிழந்துள்ளனர். புதிதாக 20 ஆயிரத்து 768 பேர் இத்தொற்றால் பாதிக்கப்பட்டுள்ளனர்.