சிவகங்கை தொகுதியை தக்க வைத்து கொண்ட அ.தி.மு.க.

சிவகங்கை சட்டமன்ற தொகுதியில் அ.தி.மு.க.வும், இந்திய கம்யூனிஸ்டும் நேருக்கு நேர் மோதி கொண்டன. இந்த தொகுதியில் அ.தி.மு.க. வேட்பாளர் 81 ஆயிரத்து 992 வாக்குகள் பெற்று வெற்றி வாகை சூடினார். அவரை எதிர்த்து போட்டியிட்ட இந்திய கம்யூனிஸ்டு வேட்பாளர் 70 ஆயிரத்து 752 வாக்குகள் பெற்று இருந்தார். இதனால் 11 ஆயிரத்து 240 வாக்குகள் அதிகம் பெற்று அ.தி.மு.க. வேட்பாளர் செந்தில்நாதன் வெற்றி கனியை பறித்தார்.
ஏற்கனவே கடந்த 2016-ம் ஆண்டு நடைபெற்ற சட்டசபை தேர்தலில் அ.தி.மு.க. சார்பில் போட்டியிட பாஸ்கரன் வெற்றி பெற்று கதர்வாரியத்துறை அமைச்சராக பதவி வகித்தார். தற்போத நடந்த சட்டசபை தேர்தலில் அ.தி.மு.க. வேட்பாளர் செந்தில்நாதன் வெற்றி பெற்றதன் மூலம் சிவகங்கை தொகுதியை அ.தி.மு.க. தக்க வைத்து கொண்டது என்பது குறிப்பிடத்தக்கதாகும்.