ஸ்ரீவில்லிபுத்தூரில் மழை

ஸ்ரீவில்லிபுத்தூர்,

ஸ்ரீவில்லிபுத்தூர் நகரைப் பொறுத்தவரை கடந்த 10 நாட்களாக வெயில் கொளுத்தி எடுத்தது. அக்னிநட்சத்திர வெயில் தொடங்குவதற்கு முன்பாகவே வெயிலின் தாக்கம் அதிகமாக இருந்தது.

இந்நிலையில் நேற்று அக்னி நட்சத்திர வெயில் தொடங்கியது. அக்னி நட்சத்திரம் தொடங்கியது சான்றாக நேற்று காலை முதல் ஸ்ரீவில்லிபுத்தூரில் வெயில் சுட்டெரித்தது. இந்தநிலையில் மாலை 4 மணி அளவில் திடீரென நிலைமை மாறி வானம் மப்பும் மந்தாரமாக காணப்பட்டது. சாரல் மழையாக தொடங்கி பின்னர் பரவலான மழை பெய்தது. அக்னி நட்சத்திரம் தொடங்கிய முதல் நாளிலேயே மாலையில் பரவலான மழை பெய்ததால் வெயிலின் தாக்கத்தை குறைத்து குளிர்ச்சியான சூழலை உருவாக்கியது. மாலையில் குளிர்ச்சியான சூழல் நிலவியதால் நகர் மக்கள் மகிழ்ச்சி அடைந்தனர்.