காரைக்குடியில், கொரோனா கட்டுப்பாடு தீவிரம்

நாடு முழுவதும் தற்போது கொரோனா 2-வது அலை வேகமாக பரவி வருகிறது. இதை கட்டுப்படுவதற்காக மத்திய, மாநில அரசுகள் பல்வேறு நடவடிக்கைகளை மேற்கொண்டு வருகின்றன. ஏற்கனவே இரவு நேர ஊரடங்கு அமல்படுத்தப்பட்டு வரும் நிலையில் வாரந்தோறும் ஞாயிற்றுக்கிழமைகளில் முழு ஊரடங்கு அமல்படுத்தப்பட்டு உள்ளது.
காரைக்குடி பகுதியில் கொரோனா பரவலை தடுக்க கட்டுப்பாடுகள் தீவிரப்படுத்தப்பட்டு உள்ளன. சுகாதாரத்துறையினர் நகரில் பல்வேறு இடங்களில் கிருமிநாசினி தெளித்தனர். வீட்டை விட்டு வெளியே வரும் பொதுமக்கள் கட்டாயம் முககவசம் அணிய வேண்டும். பொது இடங்களில் சமூக இடைவெளியை கடைபிடிக்க வேண்டும். அவ்வப்போது தங்கள் கைகளை கிருமிநாசினி கொண்டு சுத்தப்படுத்த வேண்டும் என அறிவுறுத்தப்பட்டு உள்ளது.
 இதுதவிர பொதுஇடங்களில் கூட்டமாக செல்பவர்களுக்கு அறிவுரை வழங்கியும், கடைகள், தேனீர் கடைகளில் கூட்டமாக நிற்பவர்களை எச்சரித்தும் அனுப்பி வைக்கின்றனர். காரைக்குடி புதிய பஸ் நிலையம், வாட்டர் டேங்க் பகுதி, கல்லூரி சாலை பகுதி, ஐந்து விலக்கு பகுதி, நூறடி சாலை, பெரியார் சிலை பகுதி, பழைய பஸ் நிலையம் பகுதி, கழனிவாசல் பகுதி உள்ளிட்ட பகுதிகளில் போலீசார் தீவிரமாக ஆய்வு செய்து முக கவசம் அணியாதவர்கள் மீது அபராதம் விதித்தனர். ேபாலீசாரின் இந்த நடவடிக்கையால் பொதுமக்கள் பலர் முககவசத்துடன் சாலைகளில் நடமாடியதை பார்க்க முடிந்தது.