கடத்தூர் அருகே கல்லூரி மாணவி கடத்தல்; வாலிபர் கைது

கடத்தூர்:

கடத்தூர் அருகே உள்ள மணியம்பாடி சேர்ந்த 17 வயது மாணவி தர்மபுரியில் உள்ள ஒரு தனியார் கல்லூரியில் முதலாம் படித்து வருகிறார். சம்பவத்தன்று வெளியே சென்ற மாணவி மீண்டும் வீடு திரும்பவில்லை. இதனால் அவருடைய பெற்றோர் மகளை பல்வேறு இடங்களில் தேடினர். அப்போது புது ரெட்டியூரை சேர்ந்த சிவகுரு (வயது 21 )என்பவர் மாணவியை கடத்தி சென்று விழுப்புரத்தில் மறைத்து வைத்திருந்தது தெரிய வந்தது. இதுகுறித்து அவருடைய பெற்றோர் கடத்தூர் போலீசில் புகார் செய்தனர். அதன்பேரில் போலீசார் விழுப்புரத்திற்கு சென்று வாலிபர் சிவகுருவை கைது செய்தனர்.