உணவகங்கள், டீக்கடைகளில் கூடுபவர்களுக்கு அபராதம்; தென்காசி கலெக்டர் எச்சரிக்கை

தென்காசி: தென்காசி மாவட்ட கலெக்டர் சமீரன் வெளியிட்டுள்ள செய்திக்குறிப்பில் கூறப்பட்டு இருப்பதாவது:-

கொரோனா நோய்த்தொற்று அதிகரித்து வருவதன் காரணமாக தென்காசி மாவட்டம் முழுவதும் முழு ஊரடங்கு, 144 தடை உத்தரவு பிறப்பிக்கப்பட்டுள்ளது. இதனால் பொது இடங்களில் 5 அல்லது அதற்கு மேலான நபா்கள் கூடுவதற்கு அனுமதி கிடையாது.  அத்தியாவசிய தேவையின்றி மளிகை, காய்கறி கடைகள், டீக்கடைகள் மற்றும் உணவகங்களில் கூடி அமா்ந்து பேசுவதை தவிா்க்குமாறும், அவசர மற்றும் அத்தியாவசிய தேவைகளின்றி தங்களது வீடுகளை விட்டு வெளியே வருவதை தவிா்க்குமாறும் கேட்டுக்கொள்ளப்படுகிறது.

மேலும், பொதுமக்கள் தங்களுக்கு காய்ச்சல், இருமல், உடல் வலி போன்ற அறிகுறிகள் இருப்பதாக அறியும் பட்சத்தில் அருகில் உள்ள கொரோனா கட்டுப்பாட்டு மையங்கள் அல்லது அருகிலுள்ள அரசு மருத்துவமனைகளை தொடர்பு கொண்டு தங்களது உடல் நலனை பாதுகாக்க கேட்டுக் கொள்ளப்படுகிறது. உணவகங்களிலோ அல்லது டீக்கடைகளிலோ அமா்ந்து உணவருந்த அனுமதி கிடையாது. அத்தியாவசிய தேவைகளின்றி வெளியில் வருபவா்கள் மற்றும் உணவகங்கள், டீக்கடைகளில் தேவையின்றி கூடுபவா்களுக்கு அபராதம் விதிக்கப்படுவதுடன் கடுமையான நடவடிக்கை மேற்கொள்ளப்படும். 

ஊரடங்கின்போது வீட்டில் இருப்பவர்கள் வெளியே செல்லாமல் இருக்கவும், குறிப்பாக வயதானவர்கள் வீட்டை விட்டு வெளியே வராமல் இருக்கவும் கேட்டுக்் கொள்ளப்படுகிறார்கள். பொது இடங்களில் ஆங்காங்கே சிறியவர்கள் மற்றும் பெரியவர்கள் 5 நபர்களுக்கு மேல் கூடி இருப்பதனால் இந்த நோய்த்தொற்று அதிகம் பரவக்கூடிய வாய்ப்பு ஏற்படும். எனவே இந்த சூழ்நிலையை தவிர்த்து பொதுமக்கள் அத்தியாவசிய தேவைகளின்றி வீட்டை விட்டு வெளியே வராமல் இருக்கவும், அவ்வாறு அத்தியாவசிய தேவைகளுக்கு வீட்டை விட்டு வெளியே வரும் பட்சத்தில் கண்டிப்பாக முககவசம் அணிந்து வெளியே வரவும், தனிமனித இடைவெளியை கடைபிடித்து கொரோனா நோய்த்தொற்றில் இருந்து பொதுமக்கள் தங்களை பாதுகாத்துக்கொள்ள கேட்டுக் கொள்ளப்படுகிறது. 

இவ்வாறு அதில் கூறப்பட்டுள்ளது.