செங்கல்பட்டு மாவட்டத்தில் கொரோனா தொற்றால் 2,670 பேர் பாதிப்பு 28 பேர் சாவு

வண்டலூர், 

செங்கல்பட்டு மாவட்டத்தில் நேற்று 2,670 பேர் கொரோனா தொற்றால் பாதிக்கப்பட்டனர். மாவட்டம் முழுவதும் இதுவரை பாதிக்கப்பட்டோர் எண்ணிக்கை 1 லட்சத்து 4 ஆயிரத்து 812-ஆக உயர்ந்துள்ளது. இவர்களில் 90 ஆயிரத்து 403 பேர் சிகிச்சை பெற்று வீடு திரும்பினர்.

நேற்று சிகிச்சை பலனின்றி ஒரே நாளில் 28 பேர் உயிரிழந்தனர். இதனால் உயிரிழந்தவர்களின் எண்ணிக்கை 1,119-ஆக உயர்ந்தது. இதில் 13,290 பேர் ஆஸ்பத்திரியில் சிகிச்சை பெற்று வருகின்றனர்.

காஞ்சீபுரம்

காஞ்சீபுரம் மாவட்டத்தில் நேற்று 767 பேர் கொரோனா தொற்றால் பாதிக்கப்பட்டனர். மாவட்டம் முழுவதும் இதுவரை பாதிக்கப்பட்டோர் எண்ணிக்கை 46 ஆயிரத்து 410-ஆக உயர்ந்துள்ளது. இவர்களில் 41 ஆயிரத்து 62 பேர் சிகிச்சை பெற்று வீடு திரும்பினர். நேற்று சிகிச்சை பலனின்றி 13 பேர் உயிரிழந்தனர். இதனால் காஞ்சீபுரம் மாவட்டத்தில் கொரோனா தொற்றால் உயிரிழந்தவர்களின் எண்ணிக்கை 666- ஆக உயர்ந்துள்ளது. 4,682 பேர் ஆஸ்பத்திரியில் சிகிச்சை பெற்று வருகின்றனர்.