ஒரே நாளில் 342 பேருக்கு கொரோனா தொற்று

புதுக்கோட்டை, மே.15-
புதுக்கோட்டை மாவட்டத்தில் நேற்று ஒரே நாளில் புதிதாக 342 பேருக்கு கொரோனா தொற்று உறுதியானது. சிகிச்சை பெறுவோரின் எண்ணிக்கை 1,731 ஆக உயர்ந்துள்ளது.
கொரோனா தொற்று
புதுக்கோட்டை மாவட்டத்தில் கொரோனாவின் 2-வது அலையில் தொற்று எண்ணிக்கை நாளுக்கு  நாள் பல மடங்கு அதிகரித்து வருகிறது. அரசின் சார்பில் நேற்று வெளியிடப்பட்ட பட்டியலில் ஒரே நாளில் 342 பேருக்கு தொற்று உறுதியாகி இருந்தது. இதனால் மாவட்டத்தில் தொற்று பாதித்தவர்களின் எண்ணிக்கை 16 ஆயிரத்து 543 ஆக அதிகரித்துள்ளது. கொரோனாவுக்கு சிகிச்சை பெற்று வந்தவர்களில் 108 பேர் குணமடைந்து வீடு திரும்பினர். இதனால் குணமடைந்தோர் எண்ணிக்கை 14 ஆயிரத்து 641 ஆக உயர்ந்துள்ளது.
தற்போது மருத்துவமனைகளில் கொரோனா தொற்றுடன் 1,731 பேர் சிகிச்சை பெற்று வருகின்றனர். மாவட்டத்தில் கொரோனாவுக்கு இறப்பு எண்ணிக்கை 171 ஆக உள்ளது.