துப்பாக்கியுடன் சுற்றிய 2 நரிக்குறவர்கள் கைது

திருவெறும்பூர், 

திருவெறும்பூர் அருகே உள்ள பழங்கனாங்குடி கட்டளை வாய்க்கால் அருகே நாட்டு துப்பாக்கியுடன் 2 பேர் சுற்றிக்கொண்டிருந்தனர். இதைப்பார்த்த பழங்கனாங்குடி கிராம நிர்வாக அலுவலர் வெங்கடேசன் இதுபற்றி நவல்பட்டு போலீஸ் நிலையத்துக்கு தகவல் கொடுத்தார். உடனே போலீசார் சம்பவ இடத்துக்கு விரைந்து வந்து விசாரணை நடத்தினார்கள். விசாரணையில் அவா்கள் நரிக்குறவர் காலனியை சேர்ந்த நம்பி மகன் சக்திவேல் (வயது 25), சரண்ராஜ் (38) என்பதும் அவர்கள் வைத்திருந்த நாட்டு துப்பாக்கிக்கு உரிய லைசென்ஸ் இல்லாததும் தெரியவந்தது. இதைத்தொடர்ந்து போலீசார் 2 பேரையும் கைது செய்து, துப்பாக்கியை பறிமுதல் செய்தனர்.