சோளத்தட்டைகள் தீயில் எரிந்து நாசம்

கரூர் மாவட்டம் மூர்த்தி பாளையம் பகுதியை சேர்ந்தவர் கணேசன் (வயது 55). இவர் 2 ஏக்கர் நிலத்தில் தனது மாடுகளுக்கு தீவனமாக சோளத்தட்டைகளை பயிரிட்டு இருந்தார். கடுமையான வெயிலின் காரணமாக காய்ந்த நிலையில் இருந்த சோளத்தட்டைகள் நேற்று திடீரென தீப்பிடித்து எரிந்தது. இதைக்கண்ட அங்கிருந்தவர்கள் ஓடிவந்து தீயை அணைக்க முயற்சி செய்தனர். இருப்பினும் தீயை அணைக்க முடியவில்லை. இதுகுறித்து வேலாயுதம்பாளையம் தீயணைப்பு நிலையத்திற்கு தகவல் தெரிவிக்கப்பட்டது. அதன்பேரில் நிலைய அலுவலர் திருமுருகன் தலைமையிலான தீயணைப்பு படைவீரர்கள் சம்பவ இடத்திற்கு சென்று சோளத்தட்டையில் எரிந்து கொண்டிருந்த தீயை போராடி அணைத்தனர். இருப்பினும் சோளத்தட்டைகள் அனைத்தும் தீயில் எரிந்து நாசமானது.