கத்தியை காட்டி மிரட்டி பணம் பறித்த 3 பேர் கைது

பொன்மலைப்பட்டி,

திருச்சி அரியமங்கலம் உக்கடை பகுதியைச் சேர்ந்தவர் போஸ் (வயது 54). கூலித்தொழிலாளியான இவர், நேற்று முன்தினம் திடீர் நகர் பகுதியில் நடந்து சென்று கொண்டிருந்தபோது அப்போது அங்கு வந்த அம்பிகாபுரத்தை சேர்ந்த லோகநாதன் (26), ராஜாமுகமது (28) மற்றும் சென்னையை சேர்ந்த வினோத்குமார் ஆகிய 3 பேரும் சேர்ந்து அவரை வழிமறித்து அவரிடம் கத்தியை காட்டி மிரட்டி சட்டை பாக்கெட்டில் இருந்த ரூ.2 ஆயிரத்தை பறித்துச்சென்றனர். இதுகுறித்த புகாரின் பேரில் அரியமங்கலம் போலீசார் வழக்குப்பதிவு செய்து 3 பேரையும் கைது செய்தனர்.