மாவட்ட செய்திகள்

2,766 ஏக்கரில் உளுந்து, பருத்தி, எள் சாகுபடி செய்து சாதித்த விவசாயிகள் + "||" + Farmers cultivating sorghum, cotton and sesame on 2,766 acres

2,766 ஏக்கரில் உளுந்து, பருத்தி, எள் சாகுபடி செய்து சாதித்த விவசாயிகள்

2,766 ஏக்கரில் உளுந்து, பருத்தி, எள் சாகுபடி செய்து சாதித்த விவசாயிகள்
கண்மாயில் சேமித்த மழை நீரை பயன்படுத்தி 2,766 ஏக்கரில் 2-ம் போக சாகுபடி செய்து சாதனை படைத்த விவசாயிகளை கலெக்டர் பாராட்டினார்.
ராமநாதபுரம்
கண்மாயில் சேமித்த மழை நீரை பயன்படுத்தி 2,766 ஏக்கரில் 2-ம் போக சாகுபடி செய்து சாதனை படைத்த விவசாயிகளை கலெக்டர் பாராட்டினார்.
கலெக்டர் ஆய்வு
ராமநாதபுரம் அருகே உள்ள அச்சுந்தன்வயல் கிராமத்தில் மாவட்ட கலெக்டர் தினேஷ் பொன்ராஜ் ஆலிவர் நேரடியாக சென்று, வேளாண்மைத்துறை ஒருங்கிணைப்புடன் விவசாயிகள் மூலம் மேற்கொள்ளப்பட்டுள்ள 2-ம் போக சாகுபடி பணிகளை ஆய்வு செய்தார். அதைதொடர்ந்து கலெக்டர் கூறியதாவது:- 
ராமநாதபுரம் மாவட்டத்தில் வேளாண்மைத்துறை சார்பில் விவசாயிகளின் நலனை பாதுகாத்திடும் வகையில் திட்டங்கள் செயல்படுத்தப்பட்டு வருகின்றன. மாவட்டத்தில் நெல் முக்கிய பயிராக சாகுபடி செய்யப்பட்டு வருகிறது. நடப்பு ஆண்டில் 1 லட்சத்து 33 ஆயிரத்து 823 எக்டர் பரப்பளவில் நெல் சாகுபடி செய்யப்பட்டுள்ளது. ராமநாதபுரம் மாவட்டத்தில் 1,694 கண்மாய்கள் உள்ளன. அதில் 502 பொதுப்பணித்துறை கண்மாய்களும், 1192 சிறுபாசன கண்மாய்களும் அடங்கும். இருப்பினும் ராமநாதபுரம் மாவட்டம் வறட்சியான பகுதி என்ற பொதுவான பார்வை இருந்து வருகிறது. மாவட்டத்தில் உள்ள விவசாயிகள் முதல் போக சாகுபடியை மட்டுமே ஆர்வமுடன் மேற்கொள்கின்றனர். 2-ம் போக சாகுபடியில் ஆர்வம் காட்டாத நிலை இருந்து வருகிறது.
பாராட்டு
இதனை மாற்றிடும் விதமாக மாவட்டத்தில் உள்ள விவசாயிகளை முதல் போக நெல் சாகுபடியை தொடர்ந்து, 2-ம் போக சாகுபடி மேற்கொள்ள ஊக்கப்படுத்திடும் வகையில் வேளாண்மைத்துறை மூலம் நடவடிக்கை மேற்கொள்ளப்பட்டது. அதே நேரத்தில் கடந்த ஜனவரி மாதத்தில் இயல்பாக கிடைக்க வேண்டிய 48.5 மி.மீ மழையளவானது 248.74 மி.மீ அளவுக்கு 5 மடங்கு அதிகமாக பதிவானது. இதன் காரணமாக ராமநாதபுரம் பெரிய கண்மாய், ஆர்.எஸ்.மங்கலம் கண்மாய், களரி கண்மாயில் தண்ணீர் சேமித்திட வாய்ப்பாக அமைந்தது. இந்த தண்ணீரை பயன்படுத்தி இப்பகுதிகளில் 2-ம் போக சாகுபடி மேற்கொள்ள விவசாயிகளை ஊக்குவிக்கும் பணிகள் மேற்கொள்ளப்பட்டன.
அதன்படி பருத்தி விதைகள் தேர்வு செய்யப்பட்டு விவசாயிகளுக்கு 50 சதவீத மானியத்தில் வழங்கப்பட்டன. 2,214 விவசாயிகள் மூலம் 2,766 ஏக்கர் பரப்பளவில் உளுந்து, பயறு, எள், பருத்தி உள்ளிட்ட பயிர்கள் சாகுபடி செய்யப்பட்டு தற்போது அறுவடை செய்யும் பருவத்தில் உள்ளன. இதன் மூலம் 9 ஆயிரத்து 400 குவிண்டால் அளவில் கூடுதல் மகசூல் கிடைக்கப் பெற்று விவசாயிகள் கூடுதல் வருமானம் ஈட்ட வாய்ப்பாக அமைந்துள்ளது. இதற்காக கடுமையாக உழைத்த விவசாயிகளுக்கும் வேளாண்மைத்துறை அலுவலர்களுக்கும் பாராட்டு தெரிவித்துக் கொள்கிறேன். இவ்வாறு அவர் கூறினார்.

தொடர்புடைய செய்திகள்

1. ஊரடங்கால் வியாபாரிகள் வராததால் அழுகி வீணாகும் கிர்ணி, தர்பூசணி பழங்கள்
ஆண்டிமடம் பகுதியில் ஊரடங்கு காரணமாக வியாபாரிகள் வாங்க வராததால் கிர்ணி, தர்பூசணி பழங்கள் அழுகி வீணாகும் நிலை உள்ளது. இதனால் பாதிக்கப்பட்ட விவசாயிகளுக்கு ஏக்கருக்கு ரூ.1 லட்சம் இழப்பீடு வழங்க கோரிக்கை விடுக்கப்பட்டுள்ளது.
2. ஊரடங்கால் பருத்தி விற்பனை செய்ய முடியாமல் தவிக்கும் விவசாயிகள்
ஊரடங்கால் பருத்தி விற்பனை செய்ய முடியாமல் தவிக்கும் விவசாயிகள்
3. கான்கிரீட் தளம் அமைக்கும் பணிக்கு எதிர்ப்பு தெரிவித்து கீழ்பவானி வாய்க்காலில் இறங்கி போராட்டம் நடத்திய விவசாயிகள்; காஞ்சிக்கோவில் அருகே பரபரப்பு
காஞ்சிக்கோவில் அருகே கான்கிரீட் தளம் அமைக்கும் பணிக்கு எதிர்ப்பு தெரிவித்து கீழ்பவானி வாய்க்காலில் இறங்கி விவசாயிகள் போராட்டம் நடத்தினார்கள்.
4. நிலத்தை வணங்கி பணிகளை தொடங்கிய விவசாயிகள்
சிங்கம்புணரி அருகே பொன்னேர் பூட்டி நிலத்தை வணங்கி விவசாய பணியை விவசாயிகள் தொடங்கினர்.
5. விவசாயிகள் உற்பத்தி செய்யும் காய்கறிகளை சந்தைப்படுத்த அனுமதி தரப்பட்டுள்ளது - அமைச்சர் பன்னீர்செல்வம்
சென்னையில் நேற்று ஒரே நாளில் 1,400 மெட்ரிக் டன் காய்கறி மற்றும் பழங்கள் விற்பனை செய்யப்பட்டுள்ளதாக அமைச்சர் பன்னீர்செல்வம் தெரிவித்துள்ளார்.