<
ஒடுகத்தூரில் மொட்டை மாடியில் கிடந்த பிறந்து சிலமணிநேரமே ஆன பெண் குழந்தை
ஒடுகத்தூரில் புதிதாக கட்டப்படும் கட்டிடத்தின் மொட்டை மாடியில், பிறந்து சிலமணி நேரமே ஆன பெண் குழந்தை வீசப்பட்டு கிடந்தது. இதுகுறித்து போலீசார் விசாரணை நடத்தி வருகின்றனர்.
அணைக்கட்டு
பெண் குழந்தை
வேலூர் மாவட்டம் ஒடுகத்தூர் கிடங்கு தெருவில் புதிய கட்டிடம் ஒன்று கட்டப்பட்டு வருகிறது. நேற்று காலை கட்டுமான பணியில் தொழிலாளர்கள் ஈடுபட்டிருந்தனர். அவர்கள் காலை 10 மணிக்கு அருகில் உள்ள ஓட்டலுக்கு சாப்பிட சென்றனர்.
அங்கு சாப்பிட்டு விட்டு சிறிது நேரம் கழித்து மீண்டும் வேலைக்கு வந்தனர். அப்போது மொட்டை மாடியில் சுட்டெரிக்கும் வெயிலில் பிறந்த சில மணி நேரமே ஆன பெண் குழந்தை ஒன்று அனாதையாக இருப்பதை கண்டு அதிர்ச்சி அடைந்தனர். தொப்புள் கொடி அகற்றப்படாத நிலையில் குழந்தை அழுது கொண்டிருந்தது.
போலீஸ் விசாரணை
இதைப் பார்த்ததும் கட்டிடத் தொழிலாளர்கள் அருகிலிருந்த கிராம நிர்வாக அலுவலர் சரளாவுக்கு தகவல் தெரிவித்தனர். உடனடியாக சம்பவ இடத்துக்கு சென்ற அவர், இது குறித்துவட்டார மருத்துவ அலுவலர் கைலாசுக்கு தகவல் கொடுத்தார்.
இதனையடுத்து சுகாதாரத்துறை ஊழியர்கள் மற்றும் போலீசார் சம்பவ இடத்திற்கு விரைந்து சென்று அனாதையாக கிடந்த பச்சிளம் குழந்தையை மீட்டு முதலுதவி சிகிச்சை அளித்தனர். பின்னர் மேல் சிகிச்சைக்காக வேலூர் அடுக்கம்பாறை அரசு மருத்துவமனைக்கு கொண்டு சென்றனர்.
பிறந்து சில மணி நேரமே ஆன பெண் குழந்தையை சுட்டெரிக்கும் வெயிலில் அனாதையாக வீசிச்சென்றது யார் என்பது குறித்து போலீசார் விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
