<
பிளஸ்-2 தேர்வு நடத்த 60 சதவீதம் பேர் ஆதரவு
திண்டுக்கல் மாவட்டத்தில் பிளஸ்-2 தேர்வு நடத்த 60 சதவீதம் பேர் ஆதரவு தெரிவித்து இருக்கின்றனர்.
திண்டுக்கல்:
தமிழகத்தில் கொரோனா பரவல் எதிரொலியாக அனைத்து பள்ளிகளும் மூடப்பட்டன.
அதோடு 1 முதல் பிளஸ்-1 வரையிலான மாணவர்கள் அனைவரும் தேர்ச்சி பெற்றதாக அறிவிக்கப்பட்டு விட்டது. அதேநேரம் பிளஸ்-2 தேர்வில் மாணவர்கள் பெறும் மதிப்பெண்களே, உயர்கல்வியை தீர்மானிக்கிறது.
ஆனால், கொரோனா பரவல் இருப்பதால் தற்போது தேர்வை நடத்த முடியாத நிலை ஏற்பட்டுள்ளது. எனவே, பிளஸ்-2 தேர்வை நடத்த வேண்டுமா? அல்லது தேர்வை நடத்த வேண்டாமா? என்பது குறித்து மாணவர்கள், பெற்றோர்கள், கல்வியாளர்களிடம் கருத்து கேட்கும்படி அரசு உத்தரவிட்டது.
இதையடுத்து அனைத்து மாவட்டங்களிலும் கருத்து கேட்கப்பட்டது.இதில் திண்டுக்கல் மாவட்டத்தை பொறுத்தவரை 212 மேல்நிலைப்பள்ளிகளில் 21 ஆயிரத்து 200 மாணவ-மாணவிகள் பிளஸ்-2 படித்து வருகின்றனர்.
இவர்களிடம் அந்தந்த பள்ளிகள் மூலம் கருத்து கேட்கப்பட்டது. அதேபோல் மாணவர்களின் பெற்றோர், கல்வியாளர்களிடமும் கருத்து கேட்கப்பட்டது.
அதில் 60 சதவீதம் பேர் கொரோனா பரவல் குறைந்ததும் பிளஸ்-2 தேர்வை நடத்த வேண்டும் என்று கருத்து தெரிவித்து இருக்கின்றனர். இதன் விவரம் பள்ளி கல்வி துறைக்கு அனுப்பி வைக்கப்பட்டு உள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
