காய்ச்சலுக்கு அதிகம் பேர் சிகிச்சைக்கு வந்தால் சிறப்பு மருத்துவ முகாம் நடத்த வேண்டும்-கலெக்டர் உத்தரவு

கொரோனா பரவலை தடுக்க மாவட்ட நிர்வாகம் பல்வேறு நடவடிக்கைகளை முடுக்கி விட்டு உள்ளது. மாவட்ட கலெக்டர் மதுசூதன்ரெட்டியும் மாவட்டத்தில் உள்ள அனைத்து மருத்துவமனைகளுக்கும் நேரில் சென்று நோயாளிகளுக்கு சரியான முறையில் சிகிச்சை அளிக்கப்படுகிறதா? நோய் தொற்றை குறைக்க டாக்டர்கள் எடுத்து வரும் அர்ப்பணிப்பை பாராட்டி அவர்களை ஊக்குவித்து வருகிறார்.
இந்த வகையில் திருப்புவனம் அரசு ஆஸ்பத்திரியில் கலெக்டர் மதுசூதன்ரெட்டி ஆய்வு செய்தார். அப்போது மருத்துவமனை நுழைவு வாயில் பகுதியில் கோவிட்-19-க்கான பரிசோதனை மையம் செயல்படுவதை பார்வையிட்டும் நாள்தோறும் பரிசோதிக்க வருபவர்களின் எண்ணிக்கை விவரம் குறித்தும் கேட்டறிந்தார்.
சிகிச்சை முகாம் நடத்த வேண்டும்
பின்பு உள்நோயாளிகள் பிரிவு, வெளிநோயாளிகள் பிரிவுக்கு சென்று சிகிச்சை மேற்கொள்வது குறித்து பார்வையிட்டார். பின்னர் மருந்துகள், மாத்திரைகள் இருப்பு விவரம் குறித்த பதிவேடுகளை பார்வையிட்டு கேட்டறிந்தார்.
இதை தொடர்ந்து கலெக்டர் அங்கிருந்த டாக்டர்களிடம் கூறியதாவது:-
 மேலும் கொரோனா தொற்று தடுப்பிற்கு மிக முக்கியமான ஒன்று தடுப்பூசி போடுவதாகும். அனைவரும் தடுப்பூசி போட்டுக் கொள்வது குறித்து போதிய விழிப்புணர்வை ஏற்படுத்த வேண்டும். தற்போது இப்பகுதி மக்களின் பயன்பாட்டிற்கு ஏற்ப இந்த அரசு மருத்துவமனையில் கொரோனா நோய்த்தொற்று தடுப்பதற்கான சிறப்பு சிகிச்சை மையம் அமைக்கப்பட்டு தயார் நிலையில் உள்ளது. தேவைக்கேற்ப நோய்த்தொற்று பாதிக்கப்பட்டவர்களுக்கு சிகிச்சை வழங்கும் வகையில் மருத்துவர்கள், செவிலியர்கள் தயார் நிலையில் இருந்திட வேண்டும்.
இவ்வாறு அவர் கூறினார்.