ஆடு திருடியவர் கைது

வடக்கன்குளம், ஜூன்:

பழவூர் போலீசார் செட்டிகுளம் அருகே ரோந்து பணியில் ஈடுபட்டிருந்தனர். அப்போது அந்த வழியாக வேகமாக வந்த காரை நிறுத்தி சோதனை செய்தனர். காரில் 4 ஆடுகள் இருந்தது கண்டுபிடிக்கப்பட்டது. இதையடுத்து காரில் வந்தவரிடம் போலீசார் நடத்திய தீவிர விசாரணையில், ஆவரைகுளம் அருகே உள்ள சண்முகபுரத்தை சேர்ந்த சந்திரன் மகன் சங்கர் (வயது 22) என்பதும், தெற்கு கருங்குளத்தை சேர்ந்த ஆகாச பெருமாள் (52) என்பவர் வீட்டில் கட்டி இருந்த ஆடுகளை திருடிக் கொண்டு வந்ததும் தெரியவந்தது. இதையடுத்து சங்கரை போலீசார் கைது செய்தனர். அவரிடம் இருந்து ஆடுகளை மீட்டு ஆகாச பெருமாளிடம் ஒப்படைத்தனர்.