மாவட்ட செய்திகள்

கொரோனாவால் இறந்தவர்களின் உடலை அடக்கம் செய்வதில்விதிமுறைகளை மீறுவோர் மீது கடும் நடவடிக்கை போலீஸ் சூப்பிரண்டு எச்சரிக்கை + "||" + By Corona The body of the dead In burying On violators of the rules Heavy action Police Superintendent alert

கொரோனாவால் இறந்தவர்களின் உடலை அடக்கம் செய்வதில்விதிமுறைகளை மீறுவோர் மீது கடும் நடவடிக்கை போலீஸ் சூப்பிரண்டு எச்சரிக்கை

கொரோனாவால் இறந்தவர்களின் உடலை அடக்கம் செய்வதில்விதிமுறைகளை மீறுவோர் மீது கடும் நடவடிக்கை போலீஸ் சூப்பிரண்டு எச்சரிக்கை
கொரோனாவால் இறந்தவர்களின் உடலை அடக்கம் செய்யும் போது விதிமுறைகளை மீறுவோர் மீது கடும் நடவடிக்கை எடுக்கப்படும் என்று மாவட்ட போலீஸ் சூப்பிரண்டு ரகுநாயகம் எச்சரிக்கை விடுத்துள்ளார்.
காரைக்கால், 

புதுச்சேரியில் கொரோனாவுக்கு தினமும் 15-க்கும் மேற்பட்டோர் இறந்து வருகின்றனர். அவர்களது உடல்களை அரசின் வழிகாட்டுதலின்படி அடக்கம், தகனம் செய்யப்படுகிறது. இதில் தன்னார்வ அமைப்பினரும் தாமாக முன்வந்து இறந்தவர்களின் உடல்களை அடக்கம் செய்து வருகின்றனர்.

இந்தநிலையில் நேற்று முன்தினம் காரைக்காலில் கொரோனாவால் இறந்த ஒருவரின் உடலை கிதர்பள்ளியில் அடக்கம் செய்யும் பணியில் த.மு.மு.க.வினர் ஈடுபட்டனர். அப்போது அங்கு அதிகப்படியான கூட்டம் கூடியதால் தள்ளுமுள்ளு மற்றும் பரபரப்பான சூழ்நிலை நிலவியது. மேலும் தொற்று பரவும் அபாயமும் ஏற்பட்டது.

இதைத்தொடர்ந்து காரைக்கால் மாவட்ட போலீஸ்துறை தலைமை அலுவலகத்தில், கொரோனா உடல் அடக்க குழுவில் இடம்பெற்றுள்ள குழுவினருடன் ஆலோசனை கூட்டம் நடந்தது. காரைக்கால் மாவட்ட சீனியர் போலீஸ் சூப்பிரண்டு நிகரிகாபட் உத்தரவின் பேரில், போலீஸ் சூப்பிரண்டு ரகுநாயகம் தலைமையில் இந்த ஆலோசனை கூட்டம் நடந்தது. இதில் த.மு.மு.க. மாநில செயலாளர் அப்துல் ரஹீம், மாவட்ட தலைவர் ராஜா முகம்மது மற்றும் நிர்வாகிகள் கலந்து கொண்டனர். கூட்டத்தில் போலீஸ் சூப்பிரண்டு ரகுநாயகம் பேசியதாவது:-

கொரோனா தொற்றால் உயிரிழக்கும் நபர்களை, அவரவர் மத சடங்குகள்படி அடக்கம் அல்லது தகனம் செய்ய வேண்டும் அரசின் விதிமுறைகளை முழுமையாக பின்பற்றவேண்டும். அடக்கம் செய்யும்போது இறந்தவர்களின் உறவினர்கள் சிலர் மட்டுமே கலந்து கொள்ள அனுமதிக்க வேண்டும். கூட்டம் கூடுவதை தவிர்க்க வேண்டும்.

கொரோனாவால் உயிரிழந்த நபர்களின் உடல்களை அடக்கம் செய்யும் பணியில் ஈடுபடும் முன்கள பணியாளர்களுக்கு தேவையான அனைத்து உதவிகளையும் போலீஸ்துறை செய்யும். இறப்பு நிகழ்ச்சியில் கலந்து கொள்பவர்கள் சமூக இடைவெளி, முக கவசம் அணிவதை கட்டாயம் கடைபிடிக்க வேண்டும். இறந்தவர்களின் உடலை அடக்கம் செய்யும் போது விதிமுறைகளை மீறுவோர் மீது கடும் நடவடிக்கை எடுக்கப்படும்.இவ்வாறு அவர் கூறினார்

கூட்டத்தில் காரைக்கால் நகர போலீஸ் இன்ஸ்பெக்டர் பாலமுருகன், சிறப்பு பிரிவு இன்ஸ்பெக்டர் சுப்பிரமணியன் உள்பட பலர் கலந்து கொண்டனர்.

தொடர்புடைய செய்திகள்

1. கொரோனாவால் நுரையீரல் பாதித்த டாக்டருக்கு உதவ ரூ.20 லட்சம் திரட்டிய கிராம மக்கள்
கொரோனாவால் நுரையீரல் பாதித்த டாக்டருக்கு உதவ கிராம மக்கள் ரூ.20 லட்சம் திரட்டினர். அதே சமயம் மொத்த செலவையும் ஆந்திர அரசு ஏற்றது.
2. ஜிப்மர் மருத்துவமனையில் கொரோனாவால் உயிரிழந்த மூதாட்டியிடம் தாலிசங்கிலி திருட்டு மரித்து போன மனிதநேயம்
ஜிப்மர் மருத்துவமனையில் கொரோனா தொற்றால் உயிரிழந்த மூதாட்டியின் கழுத்தில் இருந்த 7 பவுன் தாலிசெயின் திருடப்பட்டது.
3. மத்தூர் அருகே கொரோனாவால் இறந்ததாக கருதி பெண்ணின் உடலை புதைக்க கிராம மக்கள் எதிர்ப்பால் பரபரப்பு
மத்தூர் அருகே கொரோனாவால் இறந்ததாக கருதி பெண்ணின் உடலை புதைக்க கிராம மக்கள் எதிர்ப்பால் பரபரப்பு
4. கொரோனாவால் மரித்துப்போன மனிதாபிமானம்: பெற்ற தாயை வீட்டுக்குள் விட மறுத்த மகள்
கொரோனாவால் மனிதாபிமானம் மரித்து போய்விட்டது என சொல்லும் அளவுக்கு கொரோனாவால் பாதிக்கப்பட்ட தாயையே வீட்டுக்குள் விட மகள் மறுத்த சம்பவம் நடந்து உள்ளது.
5. மத்தியபிரதேசத்தில் துயர சம்பவம் கொரோனாவால் கணவர் இறந்த ஒரு மணி நேரத்தில் மனைவி தற்கொலை
மத்தியபிரதேசத்தில் துயர சம்பவம் கொரோனாவால் கணவர் இறந்த ஒரு மணி நேரத்தில் மனைவி தற்கொலை ஆஸ்பத்திரியின் 5-வது மாடியில் இருந்து குதித்தார்.