<
சிகிச்சைக்கு பயந்து தப்பி ஓடிய கொரோனா நோயாளிகள்
சிகிச்சைக்கு பயந்து தப்பி ஓடிய கொரோனா நோயாளிகள்.
கோத்தகிரி,
நீலகிரி மாவட்டம் கோத்தகிரி அருகே உள்ள பெட்டட்டி பகுதியில் வடமாநில தொழிலாளர்கள் தங்கியிருந்து கட்டுமான பணியில் ஈடுபட்டு வந்தனர். அவர்களுக்கு கொரோனா பரிசோதனை செய்யப்பட்டது. அதில் 6 பேருக்கு கொரோனா தொற்று உறுதி செய்யப்பட்டது.
அவர்களை தனிமைப்படுத்த வசிப்பிடத்துக்கு சுகாதாரத்துறையினர் சென்றனர். ஆனால் அதில் 4 பேர் சிகிச்சைக்கு பயந்து தப்பி ஓடிவிட்டனர். உடனே அவர்களை தேடும் பணியில் அதிகாரிகள் ஈடுபட்டனர். அப்போது அவர்கள் கட்டபெட்டு பஜாரில் சுற்றித்திரிவது தெரியவந்தது. இதையடுத்து அங்கு சென்ற அதிகாரிகள் அவர்களை மடக்கி பிடித்தனர்.
தொடர்ந்து அவர்களுடன் சேர்த்து மொத்தம் 6 பேரையும் சுகாதாரத்துறையினர் தனிமைப்படுத்தினர். மேலும் அவர்கள் மருந்து வாங்கி சாப்பிட்ட கடையை மூடினர். அதன் உரிமையாளரை கொரோனா பரிசோதனைக்கு அழைத்து சென்றனர். இந்த சம்பவம் அப்பகுதியில் சிறிது நேரம் பரபரப்பை ஏற்படுத்தியது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
