சாராயம் காய்ச்சிய வாலிபர் கைது

தாயில்பட்டி,

வெம்பக்கோட்டை வடக்கு தெருவை சேர்ந்த ரஞ்சித் குமார் (வயது 33) என்பவர் சாராயம் காய்ச்சுவதாகவும், அதனை விற்பனை செய்ய வைத்திருப்பதாகவும் வெம்பக்கோட்டை போலீசாருக்கு ரகசிய தகவல் கிடைத்தது. அதன்பேரில்  வெம்பக்கோட்டை சப்-இன்ஸ்பெக்டர்கள் சதீஷ்குமார், ரவிச்சந்திரன் ஆகியோர் தலைமையில் போலீசார் அங்கு சென்றனர். அப்போது அந்த வாலிபர் விற்பனைக்காக சாராயம் காய்ச்சி வைத்திருந்ததும் தெரியவந்தது. இதையடுத்து போலீசார் சாராய பேரல்களை கீழே கொட்டி அளித்ததுடன், ரஞ்சித்குமாரை கைது செய்தனர்.