காரைக்குடி, தேவகோட்டை, இளையான்குடி பகுதியில் ஒரு மணி நேரம் கொட்டிய மழை

சிவகங்கை மாவட்டத்தில் கடந்த சில நாட்களாக கோடை வெயில் பகல் நேரங்களில் மக்களை வாட்டி வதைத்து வந்தது. ஊரடங்கு காரணமாக வீடுகளில் இருந்த மக்கள் வெயில் பாதிப்பாலும் அவதியடைந்தனர்.
இதன் காரணமாக செக்காலை சாலை, பெரியார் சிலை பகுதி, புதிய பஸ் நிலையம், கல்லூரி சாலை, கழனிவாசல் பகுதி, வ.உ.சி. சாலை, பழைய பஸ் நிலையம் உள்ளிட்ட பல்வேறு பகுதியில் மழைநீர் பெருக்கெடுத்து ஓடியது. மேலும் தற்போது முதல் பீட் பகுதி, பழைய பஸ் நிலையம் பகுதி, கழனிவாசல் பகுதி, வாட்டர் டேங்க் உள்ளிட்ட பகுதியில் பாதாள சாக்கடை திட்ட பணிகள் நடைபெற்று வருவதால் நேற்று பெய்த மழை காரணமாக அந்த பகுதி முழுவதும் சேறும், சகதியுமாகவே காட்சியளித்தது.
இதே போல தேவகோட்டை மற்றும் அதை சுற்றி உள்ள பகுதியில் நேற்று மதியம் 12.30 மணி முதல் 2 மணி வரை மழை பெய்தது. இதனால் தாழ்வான பகுதியில் மழைநீர் பெருக்கெடுத்து ஓடியது.
இதே போல் இளையான்குடி ஒன்றியத்திற்குட்பட்ட இளையான்குடி, பெரும்பச்சேரி, தாயமங்கலம், வாணி, இளமனூர், குமாரகுறிச்சி, நகரகுடி உள்ளிட்ட பகுதிகளில் மதியம் 2 மணிக்கு மேல் மழை பெய்தது. நீண்ட நாட்களுக்கு பிறகு மழை பெய்ததால் அப்பகுதியை சேர்ந்த விவசாயிகள் மகிழ்ச்சி அடைந்தனர்.