மாவட்ட செய்திகள்

சாத்தான்குளம் பைனான்சியர் கொலை வழக்கில் 6 பேர் கைது + "||" + 6 arrested for sattankulam financier murder case

சாத்தான்குளம் பைனான்சியர் கொலை வழக்கில் 6 பேர் கைது

சாத்தான்குளம் பைனான்சியர் கொலை வழக்கில் 6 பேர் கைது
சாத்தான்குளத்தில் பைனான்சியர் கொலை வழக்கில் தந்தை-மகன்கள் உள்பட 6 பேரை போலீசார் கைது செய்தனர்.
சாத்தான்குளம்:
சாத்தான்குளத்தில் பைனான்சியர் கொலை வழக்கில் தந்தை-மகன்கள் உள்பட 6 பேரை போலீசார் கைது செய்தனர்.
பைனான்சியர் கொலை
தூத்துக்குடி மாவட்டம் சாத்தான்குளம் தைக்கா தெருவைச் சேர்ந்தவர் செல்லப்பா. இவருடைய மகன் மார்ட்டின் (வயது 45). பைனான்சியரான இவர் பணம் கொடுக்கல்-வாங்கல் தொழில் செய்து வந்தார்.
இவர் நேற்று முன்தினம் இரவில் மோட்டார் சைக்கிளில் தனது வீட்டுக்கு சென்றபோது, தைக்கா தெருவில் மறைந்து இருந்த மர்ம கும்பல் திடீரென்று மார்ட்டினை வழிமறித்து அரிவாளால் சரமாரியாக வெட்டிக் கொலை செய்தது.
பணம்-கொடுக்கல் வாங்கல் தகராறு
இதுகுறித்து சாத்தான்குளம் போலீசார் வழக்குப்பதிவு செய்து விசாரணை நடத்தினர். கொலையாளிகளை பிடிப்பதற்காக போலீசார் தனிப்படை அமைத்து வலைவீசி தேடி வந்தனர்.
போலீசாரின் முதற்கட்ட விசாரணையில், பணம் கொடுக்கல்-வாங்கல் தகராறில் மார்ட்டின் கொலை செய்யப்பட்டது தெரிய வந்தது.
6 பேர் கைது
இது தொடர்பாக, சாத்தான்குளம் தைக்கா தெருவைச் சேர்ந்த பாபு சுல்தான் (52), அவருடைய மகன்கள் பாரிஸ் (22), பிலால் (19), சிந்தா (55), பீர் முகம்மது மகன் புகாரி (22), அப்துல் சமது (45) ஆகிய 6 பேரை போலீசார் நேற்று கைது செய்தனர்.
மேலும் தலைமறைவான பஹ்ருதீன், அப்துல்காதர், மொகதும், மைதீன் மீரான், செந்தில் உள்ளிட்ட சிலரை போலீசார் வலைவீசி தேடி வருகின்றனர். கைதான பாபு சுல்தான், சாத்தான்குளம் வர்த்தக சங்க பொருளாளராக உள்ளார் என்பது குறிப்பிடத்தக்கது.