தமிழகத்தில் 45 நாட்களில் கொரோனாவை கட்டுக்குள் கொண்டு வந்தவர் மு.க.ஸ்டாலின்-அமைச்சர் கே.ஆர்.பெரியகருப்பன் பேச்சு

திருப்பத்தூர் பிரபாகர் காலனியில் வருவாய்த்துறை சார்பில் வறுமை கோட்டிற்கு கீழ் உள்ள குடும்பங்களுக்கு கொரோனா கால நிவாரண பொருட்கள் வழங்கும் நிகழ்ச்சி நடைபெற்றது. நிகழ்ச்சிக்கு மாவட்ட கலெக்டர் மதுசூதன்ரெட்டி தலைமை தாங்கினார். தமிழக ஊரக வளர்ச்சித்துறை அமைச்சர் பெரியகருப்பன் பயனாளிகளுக்கு தலா 10 கிலோ அரிசி வழங்கி பேசியதாவது-
 தற்போது கொரோனா பேரிடர் காலத்தை கருத்தில் கொண்டு 2-வது கட்ட நிவாரண தொகை ரூ.2 ஆயிரம் ரொக்க பணம் மற்றும் கூட்டுறவுத் துறை சார்பில் 14 வகையான பொருட்கள் ஒரு சில நாட்களில் வழங்கப்பட உள்ளது. அதேபோல் குடும்ப அட்டை இல்லாத குடும்பங்கள் மற்றும் திருநங்கைகளுக்கும் கொரோனா நிவாரண தொகை வழங்குவதற்காக தமிழக முதல்-அமைச்சரால் புதிய திட்டம் தொடங்கப்பட்டு விரைவில் வழங்கப்பட உள்ளது.
இதில் முன்னாள் அமைச்சர் தென்னவன், தேவகோட்டை வருவாய் கோட்டாட்சியர் சுரேந்திரன், திருப்பத்தூர் ஊராட்சி ஒன்றிய குழு தலைவர் சண்முகவடிவேல், திருப்பத்தூர் தாசில்தார் ஜெயந்தி, திருப்பத்தூர் பேரூராட்சி செயல் அலுவலர் ராதாகிருஷ்ணன், துணை தாசில்தார் சுமதி மற்றும் அரசு அலுவலர்கள் உள்பட பலர் கலந்துகொண்டனர்.