லாரி டிரைவர் போக்சோவில் கைது

தினத்தந்தி 12 Jun 2021 8:54 PM IST (Updated: 12 Jun 2021 8:54 PM IST)

Text Size

லாரி டிரைவர் போக்சோவில் கைது

துடியலூர்

கோவையை சேர்ந்தவர் 17 வயது சிறுமி. இவர் கடந்த சில நாட்களுக்கு முன்பு திடீரென மாயமானார்.இது குறித்து சிறுமியின் பெற்றோர் துடியலூர் போலீசில் புகார் கொடுத்தனர். அதன் பேரில் போலீசார் வழக்குப்பதிவு செய்து சிறுமியை தேடிவந்தனர்.

விசாரணையில் சிறுமியை கோவை கவுண்டம்பாளையம் கண்ணப்பன் நகர் நேதாஜி விதியை சேர்ந்த லாரி டிரைவரான கோகுல் (வயது 22) என்பவர் திண்டுக்கல் பகுதிக்கு கடத்தி சென்றது தெரியவந்தது.

இதைத் தொடர்ந்து போலீசார் அங்கு விரைந்து சென்று அவர்களை தேடினர். இதனை தொடர்ந்து அங்கு சுற்றித் திரிந்த கோகுலையும், சிறுமியையும் போலீசார் மீட்டனர்.

பின்னர் அவர்களை துடியலூர் போலீஸ் நிலையத்துக்கு அழைத்து வந்து விசாரித்தனர். இதில் கோகுல் சிறுமியிடம் ஆசை வார்த்தை கூறி கடத்திச் சென்று திருமணம் செய்ய முயற்சித்தது தெரிய வந்தது.

இதை தொடர்ந்து போலீசார் அவர் மீது போக்சோ சட்டத்தில் வழக்குப்பதிவு செய்து கைது செய்தனர். மேலும் சிறுமியை மீட்டு அவரது பெற்றோரிடம் ஒப்படைத்தனர்.