கொரோனா தொற்றுக்கு ஒரே நாளில் 329 பேர் பாதிப்பு

திருவள்ளூர்,

தமிழக அரசு மேற்கொண்ட சீரிய நடவடிக்கையின் காரணமாக திருவள்ளூர் மாவட்டத்தில் கடந்த சில நாட்களாக கொரோனா தொற்று வேகமாக குறைந்து வருகிறது. இந்த நிலையில் நேற்று திருவள்ளூர் மாவட்டத்தில் 329 பேர் கொரோனா வைரசால் பாதிக்கப்பட்டு உள்ளனர். இதுவரையில் மாவட்டம் முழுவதும் 1 லட்சத்து 8 ஆயிரத்து 64 பேர் பாதிக்கப்பட்டுள்ளனர். அவர்களில் 1 லட்சத்து 4 ஆயிரத்து 234 பேர் மருத்துவமனையில் சிகிச்சை பெற்று வீடு திரும்பியுள்ளனர். 2 ஆயிரத்து 215 பேர் ஆஸ்பத்திரிரியில் சிகிச்சை பெற்று வருகின்றனர். திருவள்ளூர் மாவட்டம் முழுவதும் இதுவரையில் 1,615 பேர் கொரோனா வைரஸ் பாதிப்பால் இறந்துள்ளனர். நேற்று ஒரே நாளில் மாவட்டம் முழுவதும் 5 பேர் இறந்து உள்ளனர்.