<
டாஸ்மாக் கடையில் அத்துமீறிய வாலிபர்கள் கைது
ஊர்காவல் படை வீரரை மதுபாட்டிலால்தாக்கி டாஸ்கடையில் அத்துமீறிய வாலிபர்களை போலீசார் கைது செய்தனர்.
பரமக்குடி,
ஊர்காவல் படை வீரரை மதுபாட்டிலால்தாக்கி டாஸ்கடையில் அத்துமீறிய வாலிபர்களை போலீசார் கைது செய்தனர்.
கண்டிப்பு
பரமக்குடி தர்மராஜபுரம் பகுதியை சேர்ந்தவர்கள் தினேஷ் பாண்டியன், சூரியகுமார் (வயது23), சந்துரு (20) ஆகிய 3 பேரும் மோட்டார் சைக்கிளில் வந்து ஆற்றுப்பாலம் பகுதியில் உள்ள டாஸ்மாக் கடை ஒன்றில் மதுபாட்டில்கள் வாங்க சென்றுள்ளனர். அப்போது அங்கு அரசு அறிவுறுத்தல்படி ஏற்கனவே மது வாங்குவதற்காக சமூக இடைவெளி யுடன் மது பிரியர்கள் வரிசையில் காத்திருந்தனர்.
ஆனால் அந்த 3 பேரும் வரிசையில் நிற்காமல் மதுபாட்டில்களை வாங்கி உள்ளனர். உடனே அங்கு பாதுகாப்பு பணியில் இருந்த ஊர்க்காவல் படையை சேர்ந்த பொதுவக்குடி கிராமத்தை சேர்ந்த குழந்தைசாமி (22) என்பவர் அந்த 3 பேரையும் கண்டித்துள்ளார். உடனே ஆத்திரமடைந்த 3 பேரும் தாங்கள் வாங்கி வைத்திருந்த மது பாட்டிலால் குழந்தை சாமியின் தலையில் தாக்கி உள்ளனர். இதில் அவரது மண்டை உடைந்து ரத்தம் கொட்டியது.
2 பேர் கைது
உடனே அவரை சிகிச்சைக்காக பரமக்குடி அரசு மருத்துவமனைக்கு கொண்டு சென்றனர். இது குறித்து அவர் கொடுத்த புகாரின் பேரில் பரமக்குடி நகர் போலீசார் வழக்கு பதிவு செய்து சூரியகுமார், சந்துரு ஆகிய 2 பேரையும் கைது செய்தனர். தலைமறைவான தினேஷ் பாண்டியனை தேடி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
