<
குடோனில் சுமை இறக்கிய போது தேக்கு மரம் தலையில் விழுந்து தொழிலாளி சாவு
குடோனில் சுமை இறக்கிய போது தேக்கு மரம் தலையில் விழுந்து தொழிலாளி பரிதாபமாக உயிரிழந்தார்.
செங்குன்றம்,
சென்னை திருவொற்றியூர் பாலகிருஷ்ணன் நகரை சேர்ந்தவர் அசோக்குமார். இவருக்கு சொந்தமான தேக்கு மரகுடோன் சென்னை அடுத்த மாதவரம் ரவுண்டானா அருகே உள்ளது. இந்த குடோனில் சென்னை வண்ணாரப்பேட்டை ரங்கநாதபுரத்தைச் சேர்ந்த தமிழ்ச்செல்வன் (வயது 23) என்பவர் வேலை செய்து வந்தார்.
இந்த நிலையில் நேற்று காலை கன்டெய்னர் லாரியில் வந்த தேக்கு மரங்களை தமிழ்ச்செல்வன் இறக்கும் பணியில் ஈடுபட்டிருந்த போது, ஒரு மரம் அவரது தலையின் மீது தவறி விழுந்தது, இதில் பலத்த காயம் அடைந்த அவர், சம்பவ இடத்திலேயே துடிதுடித்து பரிதாபமாக செத்தார்.
இதுகுறித்து தகவல் அறிந்ததும் மாதவரம் போலீசார் சம்பவ இடத்திற்கு வந்து உடலை கைப்பற்றி பிரேத பரிசோதனைக்காக சென்னை அரசு ஸ்டான்லி ஆஸ்பத்திரிக்கு அனுப்பி வைத்தனர் இதுகுறித்து மாதவரம் போலீசார் வழக்குப்பதிவு செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
