வாலிபர் உள்பட 9 பேர் கொரோனாவுக்கு பலி

திண்டுக்கல்: 

திண்டுக்கல் மாவட்டத்தில் நேற்று முன்தினம் வரை 547 பேர் கொரோனா தொற்று ஏற்பட்டு உயிரிழந்தனர். 

இந்த நிலையில் திண்டுக்கல்லை சேர்ந்த 39 வயது ஆண், 69 வயது முதியவர், நத்தத்தை சேர்ந்த 35 வயது வாலிபர், 74 வயது முதியவர், 50 வயது ஆண், நிலக்கோட்டை பகுதியை சேர்ந்த 65 வயது முதியவர் திண்டுக்கல் அரசு மருத்துவமனையிலும், வத்தலக்குண்டுவை சேர்ந்த 56 வயது ஆண், ஆத்தூர் பகுதியை சேர்ந்த 55 வயது ஆண், 65 வயது முதியவர் ஆகியோர் வெவ்வேறு தனியார் மருத்துவமனைகளிலும் கொரோனாவுக்கு சிகிச்சை பெற்று வந்தனர். 

இதற்கிடையே நேற்று இந்த 9 பேரும் சிகிச்சை பலனின்றி இறந்தனர். இதனால் கொரோனாவால் இறந்தவர்களின் எண்ணிக்கை 556 ஆக உயர்ந்தது. அதேநேரம் நேற்று திண்டுக்கல்லை சேர்ந்த பெண் போலீஸ் உள்பட மேலும் 104 பேருக்கு கொரோனா தொற்று ஏற்பட்டது. 

இதனால் மாவட்டத்தின் மொத்த பாதிப்பு 30 ஆயிரத்து 889 ஆனது. மேலும் நேற்று 233 பேர் கொரோனாவில் இருந்து குணமடைந்து வீடு திரும்பினர். நேற்றைய நிலவரப்படி 884 பேர் சிகிச்சையில் உள்ளனர்.