தூங்கிக்கொண்டிருந்த பெண்ணிடம் 12 பவுன் சங்கிலி பறிப்பு

உளுந்தூர்பேட்டை

உளுந்தூர்பேட்டை அருகே உள்ள மாரனோடை கிராமத்தை சேர்ந்தவர் நாராயணசாமி மனைவி பார்வதி. சம்பவத்தன்று இவர் அவரது வீட்டின் வாசலில் தூங்கிகொண்டிருந்தார். அப்போது அந்த வழியாக வந்த 2 மர்ம நபர்கள் பார்வதியின் கழுத்தில் கிடந்த தலா 6 பவுன் எடை கொண்ட 2 சங்கிலிகளை பறித்துக் கொண்டு அங்கிருந்து தப்பி ஓடிவிட்டனர். பறிபோன தங்க சங்கிலிகளின் மதிப்பு ரூ.3½ லட்சம் இருக்கும் என கூறப்படுகிறது. இது குறித்து திருநாவலூர் போலீசார் வழக்கு பதிவுசெய்து தங்க சங்கிலிகளை பறித்துச் சென்ற மர்மநபர்களை வலைவீசி தேடி வருகிறார்கள்.