தேன்கனிக்கோட்டை அருகே 2 வீடுகளில் நகைகள் திருட்டு

தேன்கனிக்கோட்டை:

கிருஷ்ணகிரி மாவட்டம் தேன்கனிக்கோட்டை அருகே உள்ள மேல்கொட்டாய் பகுதியை சேர்ந்தவர் கோவிந்தராஜ் (வயது 65). பெட்டிக்கடை வைத்துள்ளார். இவர் வீட்டு கதவை பூட்டி, அதன் சாவியை சுவரில் வைத்து விட்டு கடைக்கு சென்றார். அந்த நேரம் மர்ம நபர்கள் வந்து சாவியை எடுத்து வீட்டின் கதவை திறந்து உள்ளே சென்றனர். அவர்கள் அங்கு பீரோவில் இருந்த 5 பவுன் நகைகளை திருடி சென்றனர். இதுகுறித்து கோவிந்தராஜ் கொடுத்த புகாரின் பேரில் தேன்கனிக்கோட்டை போலீசார் விசாரணை நடத்தி வருகிறார்கள்.

தேன்கனிக்கோட்டை அருகே உள்ள ஒன்னுப்பள்ளியை சேர்ந்தவர் கோபால் (55). விவசாயி. சம்பவத்தன்று இவர் வெளியே சென்றதை நோட்டமிட்ட மர்ம நபர்கள், அவரது வீட்டுக்குள் புகுந்து 10 பவுன் நகையை திருடி சென்றனர். இதுகுறித்து அவர் அளித்த புகாரின்பேரில் தேன்கனிக்கோட்டை போலீசார் விசாரணை நடத்தி வருகிறார்கள்.