தலைவாசல் அருகே கிணற்றில் தவறி விழுந்த மான் உயிருடன் மீட்பு

தலைவாசல்:

தலைவாசல் அருகே புனல்வாசலை சேர்ந்தவர் அத்தியப்பன், விவசாயி. இவருக்கு சொந்தமான விவசாய தோட்டத்தில் உள்ள கிணற்றில் ஒரு புள்ளி மான் நேற்று தத்தளித்துக் கொண்டிருந்தது. இதைப்பார்த்த அவர்  உடனே தீயணைப்பு நிலையத்துக்கும், வனத்துறையினருக்கு தகவல் தெரிவித்தார். இதன் பேரில் தலைவாசல் தீயணைப்பு நிலைய அலுவலர் வேலுமணி தலைமையில் வீரர்கள் விரைந்து வந்து கிணற்றில் தத்தளித்து கொண்டிருந்த மானை உயிருடன் மீட்டு வனத்துறை அதிகாரியிடம் ஒப்படைத்தனர். வனத்துறையினர் அந்த ஆண் புள்ளிமானை அருகில் உள்ள வனப்பகுதியில் கொண்டு சென்று விட்டனர். இது குறித்து வனத்துறையினர் கூறுகையில், தண்ணீர் தேடி வந்த புள்ளிமான் கிணற்றில் தவறி விழுந்திருக்கலாம் என்று தெரிவித்தனர்.