மாவட்ட செய்திகள்

போக்குவரத்து தொடங்கிய முதல் நாளிலேயே விபத்து: டயர் வெடித்ததால் தடுப்பு சுவரில் மோதிய மாநகர பஸ் + "||" + Accident on first day of traffic: City bus crashes into retaining wall due to tire burst

போக்குவரத்து தொடங்கிய முதல் நாளிலேயே விபத்து: டயர் வெடித்ததால் தடுப்பு சுவரில் மோதிய மாநகர பஸ்

போக்குவரத்து தொடங்கிய முதல் நாளிலேயே விபத்து: டயர் வெடித்ததால் தடுப்பு சுவரில் மோதிய மாநகர பஸ்
பொது போக்குவரத்து தொடங்கிய முதல் நாளிலேயே பூந்தமல்லியில் மாநகர பஸ்சின் முன்பக்க டயர் வெடித்து தடுப்பு சுவரில் மோதி விபத்துக்குள்ளானது. இதில் டிரைவர் உள்பட 5 பேர் காயம் அடைந்தனர்.
பூந்தமல்லி,

கொரோனா பரவல் காரணமாக வருகிற 28-ந்தேதி வரை தளர்வுகளுடன் கூடிய ஊரடங்கு அமல்படுத்தப்பட்டு உள்ளது. சென்னை, காஞ்சீபுரம், செங்கல்பட்டு, திருவள்ளூர் ஆகிய 4 மாவட்டங்களில் பஸ் போக்குவரத்துக்கு அனுமதி அளிக்கப்பட்டுள்ளது.


நேற்று காலை முதல் பூந்தமல்லி பணிமனையில் இருந்து குறைந்த அளவிலான மாநகர பஸ்கள் இயக்கப்பட்டன. திருநின்றவூரில் இருந்து பயணிகளை ஏற்றி கொண்டு பூந்தமல்லி நோக்கி அரசு பஸ் வந்து கொண்டிருந்தது.

பூந்தமல்லி நீதிமன்றம் எதிரே வந்தபோது திடீரென மாநகர பஸ்சின் முன்பக்க டயர் வெடித்தது. இதில் டிரைவரின் கட்டுப்பாட்டை இழந்த பஸ், முன்னால் சென்ற வேன் மற்றும் கார் மீது மோதியதுடன், சாலையின் நடுவில் உள்ள தடுப்பு சுவரில் மோதி நின்றது. இதில் பஸ்சின் முன்பக்க கண்ணாடி முற்றிலும் உடைந்து நொறுங்கியது.

5 பேர் காயம்

இந்த விபத்தில் பஸ்சை ஓட்டி வந்த டிரைவர் கேசவன் (வயது 52) மற்றும் பஸ்சில் பயணம் செய்த ராதாம்மாள் (72) என்ற பெண் பயணி உள்பட 5 பேர் காயம் அடைந்தனர். அங்கிருந்த பொதுமக்கள் காயமடைந்தவர்களை மீட்டு ஆம்புலன்ஸ் மூலம் பூந்தமல்லியில் உள்ள அரசு ஆஸ்பத்திரிக்கு அனுப்பி வைத்தனர்.

இதனால் அந்த பகுதியில் போக்குவரத்து பாதிக்கப்பட்டது. அரசு பஸ் மோதியதில் வேன், கார் சேதம் அடைந்தது. அதில் இருந்தவர்கள் காயமின்றி உயிர் தப்பினர்.

ஊரடங்கு தளர்வு காரணமாக பொது போக்குவரத்து தொடங்கிய முதல் நாளே மாநகர பஸ் விபத்தில் சிக்கியது பெரும் பரபரப்பை ஏற்படுத்தியது. ஊரடங்கின்போது பணிமனையில் நிறுத்தி இருந்த பஸ்களை முறையாக பராமரிக்காமல் இயக்கப்பட்டதே விபத்துக்கு காரணம் எனவும் பொதுமக்கள் குற்றம் சாட்டினர்.

தொடர்புடைய செய்திகள்

1. மின்வயர் அறுந்து கியாஸ் குழாயில் விழுந்ததால் ஓட்டலில் தீ விபத்து
மின்வயர் அறுந்து கியாஸ் குழாயில் விழுந்ததால் ஓட்டலில் தீ விபத்து.
2. வேகமாக கார் ஓட்டி விபத்து நடிகை யாஷிகா ஆனந்த் கைது ஆவாரா? பலியான தோழி பற்றி உருக்கமான தகவல்
வேகமாக கார் ஓட்டி விபத்து ஏற்படுத்திய நடிகை யாஷிகா ஆனந்த் சிகிச்சை முடிந்ததும் கைது செய்யப்படலாம் என்று கூறப்படுகிறது. பலியான தோழி பற்றியும் உருக்கமான தகவல் வெளியாகியுள்ளது.
3. சிங்கப்பெருமாள் கோவில் அருகே தனியார் நிறுவனத்தில் திடீர் தீ விபத்து
சிங்கப்பெருமாள் கோவில் அருகே தனியார் நிறுவனத்தில் திடீர் தீ விபத்து ஏற்பட்டது.
4. மாமல்லபுரத்தில் கார் கவிழ்ந்து விபத்து: நடிகை யாஷிகாஆனந்த் படுகாயம்; தோழி பலி
மாமல்லபுரம் அருகே கார் கவிழ்ந்து நடிகை யாஷிகாஆனந்த் படுகாயம் அடைந்தார். அவருடைய தோழி பரிதாபமாக இறந்தார்.
5. அண்ணாசாலையில் வணிக வளாகத்தின் 3-வது மாடியில் பயங்கர தீ விபத்து 6 மாத கைக்குழந்தை உள்பட 10 பேர் பத்திரமாக மீட்பு
சென்னை அண்ணாசாலையில் உள்ள ஒரு வணிக வளாகத்தில் பயங்கர தீ விபத்து ஏற்பட்டது. அப்போது, 6 மாத கைக்குழந்தை உள்பட 10 பேர் ‘ஸ்கை லிப்ட்’ வாகனம் மூலம் பத்திரமாக மீட்கப்பட்டனர்.