கஞ்சா விற்ற 3 பேர் கைது

கரூர் வெங்கமேடு போலீஸ் இன்ஸ்பெக்டர் மாரிமுத்து தலைமையிலான போலீசார் ரோந்து பணியில் ஈடுபட்டனர். அப்போது அரசு காலனி பொதுக்கழிவறை அருகே கஞ்சா விற்றுக் கொண்டிருந்த சதாம் உசேன் (வயது 23), கார்த்திக் (21), ராம்குமார் (21) ஆகிய 3 பேரை போலீசார் கைது செய்தனர். அவர்களிடமிருந்து ஒரு கிலோ கஞ்சா பறிமுதல் செய்யப்பட்டது.

இதேபோல, கரூர் டவுன் போலீஸ் சப்-இன்ஸ்பெக்டர் பிரபாகரன் தலைமையிலான போலீசார் ரோந்து பணியில் ஈடுபட்டனர். அப்போது அமராவதி ஆறு அருகே உள்ள மாவடியான் கோவில் தெருவில் கஞ்சா விற்றதாக சந்தோஷ் (22), கோபி (47), ராகவேந்திரன் (19) சஞ்சய் குமார் (20) ஆகிய 4 பேரை போலீசார் கைது செய்தனர். அவர்களிடம் இருந்து 3 கிலோ கஞ்சா மற்றும் ரூ.2 ஆயிரம் ஆகியவை பறிமுதல் செய்யப்பட்டது. தப்பி ஓடிய வினோத்குமாரை போலீசார் தேடி வருகின்றனர்.