கொரோனாவுக்கு 2 பேர் பலி; புதிதாக 84 பேருக்கு தொற்று

சிவகங்கை மாவட்டத்தில் கொரோனா பரவலை கட்டுப்படுத்த மாவட்ட நிர்வாகம் தொடர்ந்து நடவடிக்கை எடுத்து வருகிறது.இந்த நிலையில் நேற்று ஒரே நாளில் 84 பேருக்கு கொரோனா தொற்று உறுதி செய்யப்பட்டது.மாவட்டத்தில் அரசு மருத்துவமனை, தனியார் மருத்துவமனை மற்றும் வீட்டு தனிமையில் உள்ளவர்கள் உள்பட 706 பேர் தற்போது சிகிச்சையில் உள்ளனர். இந்த நிலையில் நேற்று ஒரே நாளில் 95 பேர் சிகிச்சை முடிந்து வீடு திரும்பினர். மேலும் சிவகங்கை மாவட்டத்தை சேர்ந்த 63 வயதான மூதாட்டி ஒருவர் மதுரையில் உள்ள தனியார் மருத்துவமனையிலும், 55 வயதான ஆண் ஒருவர் சிவகங்கை அரசு மருத்துவ கல்லூரி மருத்துவமனையிலும் சிகிச்சை பலனின்றி இறந்தனர்.